بادغیس امنیتی مسوول‌لری نینگ ایتیش‌لریچه، ۲۰۷ ظفر قول اردو قومندانلیگی نینگ ۳- لوا ارکان رئیسی هلاک ایتیلگن.
بادغیس ولایتیده ملی اردو ۳- لوا قومندانی حسیب‌الله مسعود آخندزاده نینگ بو خبرنی تصدیق‌لب ایتیشیچه، ملی اردو ۳- لوا ارکان رئیسی عبدالبصیر عثمانی اوتگن کیچه اوشبو ولایت نینگ بالامرغاب تومنیده طاالبان تامانیدن آتیلگن هاوان نتیجه‌سیده هلاک ایتیلگن.
جناب آخندزاده نینگ کوپه‌یتیریشیچه، بو واقعه ده باشقه ۸ کیشی یره‌لنگن و اولردن ۳ ته‌سی نینگ ساغلیک وضعیتی خواطرلنترووچی دیر.
طالبان گروهی حاضرگه‌قدر بوتوغریده فکر بیلدیرمه‌گن.
بالامرغاب، بادغیس ولایتی نینگ ناتینچ تومن‌لریدن بیری دیر و طالبان گروهی اوشبو تومن نینگ کوپ قطار منطقه‌لریده امنیتی کوچلرگه قرشی فعالیت قیله‌دی.
