اوتگن کیچه پنجشیر ده طالبان هجومی نتیجه‌سیده مقاومت جبههسی نینگ سوزلاوچیسی فهیم دشتی و احمد مسعود نینگ دستیاری عبدالودود ذره هلاک ایتیلگن. عین حالده، قطار منبعلر پنجشیر ولایتی پاکستانلیک اوچوچی‌سیز اوچاق‌لر آرقلی بمبارد ایتیلگنیدن خبر بیرگن.
سیاسی ایش بیلرمان‌لرنینگ ایشانچ‌لریگه کوره، طالبان و پنجشیر مقاومت جبههسی نینگ آره‌سیده‌گی اوروش نینگ اداره‌سیده پاکستان استخبارات رئیسی نینگ نقشی بار ایکن و پاکستانلیک حربیلرنینگ حضوری وضعیت نینگ اوزگرتیرگن.
اولرنینگ ایتیش‌لریچه، طالبان زمانوی حربی اوچاقلرگه قول تاپمه‌گنلر و اوروشلرنینگ باشلنگنیدن بیر هفته اوتیشی بیلن اولر هیچ قنده‌ی یوتوققه ایریشمه‌گن ایکن، بیراق پاکستان استخبارت رئیسی نینگ کابل کیلیشی بیلن اوروش اوزگرگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لردن باشقه بیری اکرم عارفی نینگ ایتیشیچه، پاکستان استخباراتی نینگ طالبان آره‌سیده کینگ حضوری نی انکار قیلیش ناممکن دیر و بو توغریده کوپینچه حجت و سندلر هم بار.
طالبان پاکستانلیک اوچوچی‌سیز اوچاق‌لر نینگ پنجشیر ولایت اوستیگه هجوم اویوشتیرگنی نی یالغان دیب ایتیش‌لریچه، پاکستان استخبارات رئیسی ایکی تامان آره‌سیده همکارلیکلر دوام تاپیشی توغریسیده سوزلش اوچون کابل کیلگن.
افغانستان ولایت‌لری و مرکزی طالبان قولیگه سقوط قیلگنیدن کیین، پنجشیر طالبان‌گه قرشی مقاومت‌گه دوام بیریب و مذکور گروه نظارتی گه اوتمه‌گن یالغیز ولایت دیر.
طالبان سوزلاوچیسی ذبیح‌الله مجاهد، پنجشیر ولایتی بوتونلی طالبان نظارتی گه اوتگنیدن خبر بیرگن بیرحالده، مقاومت جبههسی مذکور خبر نینگ یالغان دیب ایتیشیچه، مقاومت جبههسی نینگ حربی‌لرینی برچه استراتیژیک منطقه‌لرده حضوری بار.
