حکومت مذاکره قیلووچی هیاتی سوزلاوچیسی نادر نادری نینگ ایتیشیچه، تینچلیک انتقالی دولت ریجه‌سی افغانستان دولتی تامانیدن تیکشیریله‌دی.
بوگون “یکشنبه” حکومت مذاکره قیلووچی هیاتی سوزلاوچیسی نینگ افغانستان استراتژیک مطالعات انستیتیوتی ده صحبت اوتکزیب ایتیشیچه، اوشبو ریجه اوروش یکونلنتیریلیشی اوچون نیچه گزینه دن بیری دیر.
جناب نادری گه کوره، مذکور ریجه حاضرده دولت تامانیدن تیکشیریلیش آستیگه قرار بیریلگن و دولت اونینگ تاثیرینی تیکشیره‌دی.
اونینگ کوپه‌یتیریشیچه، اوشبو ریجه نینگ بیرقطار بولیم‌لری افغانستان اسلامی جمهوریتی ارزش‌لری بیلن بی‌فرق دیر، طالبان گروهی تامانیدن قبوللنمه‌یشی ممکن.
قطر باشکنتی دوحه‌ده افغانستان‌لیکلر ارا سوزلشولر ۲۲ سنبله‌ده باشلندی و سوزلشوولر بیرینچی مرحله‌سیده ایکی تامان ایش شیوه‌سی خصوصیده کیلیشگن‌لر. شونینگدیک، سوزلشوولر ایکینچی مرحله‌سی ۱۶ جدی ده باشلندی و مذاکره قیلووچی هیات اعضالری حضارگه‌قدر نیچه مرته مذاکره قیلگن، لیکن مذکور سوزلشوولر ایجابی بیر نتیجه بیرمه‌گن.
