بادغیس محلی مسوول‌لری نینگ ایتیش‌لریچه، اوشبو ولایتده طالبان هجومی نتیجه‌سیده امنیتی کوچلردن ۵ ته‌سی و ۴ تینچ اهالی هلاک ایتیلگن.
بادغیس ولایتی نینگ آبکمری تومنی ولسوالی حاجی خداداد نینگ سلام‌وطندارگه ایتیشیچه، طالبان جنگریلری اوتگن کیچه ساعت ۱:۳۰ ده آبکمری تومنی نینگ «خزک» منطقه‌سیده جایلشگن امنیتی کوچلر پوسته‌سی اوستیگه هجوم قیلگن.
آبکمری تومنی نینگ ولسوالی‌گه کوره، امنیتی کوچلر و طالبان جنگریلری آره‌سیده صورت تاپگن آتیشمه ایرته‌لب ساعت ۶ گچه دوام قیلگن و نتیجه‌ده ۴ پولیس، ۴ تینچ اهالی و ۴ طالب هلاک ایتیلگن.
حاجی خداداد نینگ کوپه‌یتیریشیچه، طالبان گروهی امنیتی کوچلر پوسته‌سینی تصرف قیلیش‌گه موفق بولمه‌گن و کمکی کوچلر محلگه بارگنیدن سونگ، قاچیب کیتگن‌لر.
باشقه بیر خبرگه کوره، بوگون “دوشنبه” امنیتی کوچلر بادغیس مرکزی نینگ «کوتل حاجی عبدالله» منطقه‌سیده امنیتی قرارگاه قوره‌دیگن بیر چاغده، طالبان هجومی بیلن دوچ کیلگنلر.
بادغیس ولایتی کینگش عضوی عبدالناصر نظری نینگ سلام‌وطندارگه ایتیشیچه، مذکور واقعه‌ده امنیتی کوچلردن ۱ ته‌سی هلاک و باشقه ۴ ته‌سی یره‌لنگن.
اونینگ کوپه‌یتیریشیچه، بو واقعه‌ده طالبان قومندانلریدن بولمیش ملا واسع هلاک ایتیلگن.
طالبان گروهی حاضرگه‌قدر بوتوغریده فکر بیلدیرمه‌گن.
