تورکیهنینگ موغله ولایتی فاتح تومنی یقینیده سیاحلیک کیمهسیده یانغین صادر بولدی.
تورکیه تیآرتی خبر گه کوره، واقعه بوگون (۲۲ اسد/۱۳ آگست، پنجشنبه) یوز بیرگن و حادثه پیتیده ایچیده ۱۱۵ کیشی بار ایکن.
معلوم قیلینیشیچه، یانغین کیمه دینگیز سیاحتی اوچون یولگه چیققن پیتده صادر بولگن و سببی حاضرچه انیقلنمهگن. النگه قیسقه وقت ایچیده بوتون کیمهنی قمرهب آلگن، واهیمه گه توشگن یولاوچیلر، جملهدن بالهلر هم قوتقرو جیلیتلرینی کیگن حالده اوزلرینی دینگیز گه تشلشگه مجبور بولگن.
معلوماتلر گه کوره، کیمهدهگی ۱۱۵ کیشینینگ برچهسی خوفسیز طرزده قوتقریب آلینگن.
ایسلهتیب اوتهمیز، اولراق تورکیهنینگ مرمریس شهری یقینیده ۱۱۰ نفر یولاوچی بولگن سیاحلیک کیمهسی چوکیب کیتگندی.
