Asset 1SWN

سلام وطندار

یاغینگرچیلیک؛ دهقانلرنی ایکینلری یخشی حاصل بیریشگه امیدوار قیلگن

Mehnat kor

اسلام امیرلیگی‌نینگ طبیعی آفتلر گه تیارگرلیک کوریش اداره سوزلاوچیسی محمدیوسف حمادنینگ ایتیشیچه، سونگی آی‌لرده مملکت‌نینگ شرقی و شمال‌شرقی حدودلریده یاغینگرچیلیک مقداری آشگنی قید ایتیلگن. ایریم حدودلرده یاغینگرچیلیک مقداری اورتچه کورستکیچدن ۵۰ ملی‌متردن آرتیق بولگن.

اونینگ سوزلریگه کوره، شو سببلی اوشبو حدودلرده قورغاقچیلیک خوفی برطرف ایتیلگن. او شونده‌ی دییدی: «سونگی آی‌لرده مملکت‌نینگ شرقی و شمال‌شرقی حدودلریده یاغینگرچیلیک مقداری آشگنی قید ایتیلگن. ایریم حدودلرده یاغینگرچیلیک مقداری اورتچه کورستکیچگه نسبتن ۵۰ ملی‌متردن آرتیق بولگن. شونینگدیک، سونگی کونلرده اوشبو حدودلرده کوزه‌تیلگن یاغینگرچیلیک قورغاقچیلیک‌نی کمه‌یتیریش اوچون شرایط یوزه‌گه کیلگنینی همده مذکور حدودلرده قورغاقچیلیک خوفی برطرف ایتیلگنینی کورسته‌دی.»

سونگی کونلرده مملکت‌نینگ ایریم شرقی ولایتلریده کوچلی یامغیر و شمالی حدودلرده ایسه قار یاغیشی کوزه‌تیلگن.

اوشبو آب‌هوا شرایطی آرتیدن ایریم دهقانلر جاری ییلده یاغینگرچیلیک مقداری‌نینگ آرتیشی دهقانچیلیک حاصلی یخشی‌لنگنی و آشیشیگه سبب بولگن امیدلرنی، کوچه‌یتیرگنینی ایته‌دیلر.

شمال‌شرقی ولایتلرنینگ ایریم اهالیسی ایسه، اوتگن ییللرده‌گی قوروقچیلیک دهقانلرنینگ حاصلی کمه‌یشیگه سبب بولگنینی بیلدیرگن.

تخار ولایتی یشاوچیسی بولگن عبدالبصیر گه کوره: «سونگی ییللرده قورغاقچیلیک سببلی، للمی ایکنلریمیز یخشی حاصل بیرمسدی و حتا ایککن تخم‌نی قیته آلالمسدیک. بو ییل یاغینگرچیلیک یخشی بولگن.»

بدخشان ولایتیدن بولگن مصدق شونده‌ی دییدی: «افسوس بیلن سونگی ییللرده یاغینگرچیلیک سببلی یخشی حاصل آلالمه‌دیک؛ بیراق خورسندلیک بیلن بو ییل یاغینگرچیلیک یخشی و ایکینلریمیز یخشی حاصل بیریشگه امیدوار میز.»

شو بیلن بیرگه، یشش محیط ساحه‌سی متخصص‌لری قورغاقچیلیک عاقبتلرینی کمه‌یتیریش اوچون سوو منبعلرینی برقرار باشقریش ضرور دییدیلر.

اولرنینگ ایتیشیچه، قورغاقچیلیک‌نینگ تکرارلنیشیگه یول قویمسلیک اوچون سوو منبعلرینی باشقریش، کیچیک سوو امبارلری قوریش و اورمانزار میدانلرینی کینگه‌یتیریش ضرور.

یشش محیط بیلرمانی همت‌الله شیرزی شونده‌ی دییدی: «دولت تیگیشلی اداره‌لر بیلن همکارلیکده ضعیف حدودلرنی انیقلشی و سوو منبعلرینی باشقریش بوییچه ریجه‌لر ایشلب چیقیشی لازم. شونینگدیک، اوسیملیک قاپلمینی کینگه‌یتیریش، کوچت ایکیش، سوو امبارلرینی قوریش همده زمانه‌وی سووغاریش تیزیملریدن اینیقسه تامچیلتیب سووغاریش اصولیدن فایده‌لنیش کیلگوسی ییللرده قورغاقچیلیک عاقبتلرینی کمه‌یتیریشگه یاردم بیریشی ممکن.»

اهالی‌نینگ ۸۰ فایزدن آرتیغی ایکینچیلیک و چارواچیلیک بیلن بند. سونگی ییللرده مملکتده یوز بیرگن قورغاقچیلیک، زراعت همده اهالی‌نینگ تورموش طرزیگه کتته ضرر ییتکزگن.

شونگه قره‌می، دهقانلر جاری ییلده یاغینگرچیلیک دوام ایتیشی ایکینچیلیک حاصلینی آشیریش و اقتصادی معمالرینی کمه‌یتیریشگه زمینه یره‌تیشگه امید بیلدیره‌دیلر.

کلیدی کلمه‌لر: // // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام