ایران اسلام انقلابی قوروقچیلری حربی-دینگیز کوچلری هرمز بوغوزیدن «یشیرین» اوتیشگه اورینگن ینه ایکی نفت تانکری دینگیز ماینلریگه اوریلگنی سببلی پارتلهگنینی معلوم قیلدی.
ایران ایسنا نشری، بوگون (۲۵ عقرب/۱۶ نومبر، دوشنبه) اسلام انقلابی قوروقچیلریگه اساسلنیب ایتیشیچه، اوشبو ایکی نفت تانکری کوزهتوو تیزیملرینی اوچیریب امریکا حربی کوچلرینینگ اوچاقلری کمکیده هرمز بوغوزینینگ جنوبی یونهلیشی آرقهلی اوتیشگه اورینگن، بیراق دینگیز ماینلریگه اوریلیشی عاقبتیده کوچلی پارتلشلر گه دوچ بولگن.
شو بیلن بیرگه، اوتگن کوندن بیری اوشبو سوو یونهلیشیده ماینگه اوریلیب پارتلهگن نفت تانکرلر سانی آلتیته ییتگن.



