جوزجان ولایتی کینگش اعضالری نینگ ایتیش‌لریچه، اوشبو ولایت نینگ مردیان تومنی کمکی کوچ یوباریلمه‌گنی باعث، شدتلی آتیشمه‌دن سونگ، طالبان قولیگه سقوط قیلگن.
جوزجان ولایتی کینگش عضوی ملاامرالدین دانشجو نینگ ایتیشیچه، مردیان تومنی نینگ پولیس قومندانلیگی و تومن بناسی اوتگن کیچه طالبان قولیگه سقوط قیلگن.
اونینگ کوپه‌یتیریشیچه، امنیتی کوچلردن ۱۴ ته‌سی طالبان قولیگه اسیر بولگن و باشقه ۲۶ ته‌سی نینگ سرنوشتی بیللی ایمس.
جناب دانشجو گه کوره، طالبان هجومی‌نی کیینگه اوریش اوچون زمانیده حمایت صورت تاپمه‌‌یشی سبب، اوشبو تومن سقوط قیلگن. «فاجعه و سقوط دن سونگ، اقدام قیلیش هیچ دردنی درمان‌لمه‌یدی.»
مردیان محلی مسوول‌لری نینگ اوشبو تومن سقوط قیلگنی‌نی تصدیق‌لب ایتیشیچه، هوایی یاردم صورت تاپمه‌گنی سبب، بو تومن سقوط قیلگن.
عین‌حالده، جوزجان یشاوچی‌لریدن بیرقطاری نینگ ایتیش‌لریچه، اوشبو ولایت تومن‌لری نینگ وضعیتی خواطرلنترووچی دیر و طالبان هجومی‌نی آرتده اوریش اوچون سعی و حرکت صورت تاپمه‌یدی.
جوزجان یشاوچی‌لریگه کوره، وضعیت بونده‌ی دوام قیلگن صورتده، مینگجیک، فیض‌آباد و آقچه تومن‌لرینی هم سقوط قیلیشی ممکن.
جوزجان قوم بویوکلریدن بولیش قدرت‌الله نینگ ایتیشیچه، حاضرگی وضعیت دوام قیلیشی و تومن‌لرنی سقوط قیلیشی سوراقلی دیر. اونینگ کوپه‌یتیریشیچه، موترسایکل گه بولگن نیچه کیشی امنیتی کوچلرنی تانک و اوچاغی بیلن کیینگه اوره‌دی.
اونینگ کوپه‌یتیریشیچه، بو وضعیت‌نی دوام قیلیشی فاجعه‌لی دیر و دولت نینگ ایکی تامانلمه حرکتدن قول تارتیشی کیره‌ک.
جوزجان امنیتی مسوول‌لری و مدافعه وزیرلیگی فکرینی آلیش اوچون سعی و حرکت قیلدیک، لیکن موفق بولمه‌دیک.
طالبان گروهی مردیان تومنی نینگ اوشبو گروه قولیگه توشگنینی تصدیق‌لگن.
