بویوک‌لر کینگشی نینگ سابق اورین باسری محمدعلم ایزدیار نینگ ایتیشیچه، پنجشیر مقاومت جبهه‌سی نینگ ۱۲ کیشی‌لیک هیاتی اوتگن “چهارشنبه” کونی پروان مرکزی چاریکار شهریده طالبان هیاتی بیلن اوچره‌شگن. اوشبو هیات رهبرلیگی‌گه جهاد قومندانلریدن بولمیش الماس زاهد قرار تاپگن.
جناب ایزدیار گه کوره، بو سوزلشوو ۳ ساعت دوام قیلگن و ایکی تامان هیاتی مطرح بولگن موضوعلرنی ایکی تامان رهبرلری بیلن شریک قیله‌دیلر.
محمدعلم ایزدیار، هیات‌لر آره‌سیده بولیب اوتگن سوزلشوولرنی قناعت‌لی عنوان قیلگن. اونینگ ایتیشیچه، ایکی تامان سوزلشوولر دوام تاپیشی خصوصیده کیلشگن و سوزلشوولر جریانیده طالبان گروهی و مقاومت جبهه‌سی بیربیراویگه قرشی هجوم قیلمه‌یدیلر.
مقاومت جبهه‌سی نینگ اوشبو عضوی گه کوره، اوشبو جبهه هیاتی تورلی قوم‌لردن تشکیل تاپگن.
مقاومت جبهه‌سی و طالبان گروهی نینگ ایکینچی اولتیریشی‌نی قییرده و قچان صورت تاپیشی حاضرگه‌قدر معلوم ایمس.
