تخار ولایتی نمک‌آب تومنی ایریم اوزاق حدود اهالیسی، منطقه‌لریده طبی مرکزلر آزلیگی و طبی خذمت‌لردن فایده‌لنه آلمسلیکدن نالیب و بو تومن‌نینگ محروم حدودلریده طبی مرکزلر تشکیل ایتیلیشینی سوره‌یدیلر.
اولرنینگ ایتیشیچه، تومن مرکزی‌دن قیشلاق‌لری اوزاقلیگی سببلی طبی خذمت‌لردن قیینلیک بیلن فایده‌لنیشه‌دی و انده-سنده کسللرینی دارو-دوالش اوچون اوزاق یول یوریش گه مجبور بوله‌دیلر.
اولر، تخار ولایتی محلی مسئوللری و ساغلیق‌نی سقلش ریاستیدن، نمک‌آب تومنی اوزاق حدودلری اهالیسی طبی خذمت‌لردن فایده‌لنیش اوچون بو منطقه‌لرده طبی مرکزلر تشکیل ایتیشنی ایسته‌یدیلر.
شو بیلن بیرگه، تخار ساغلیق‌نی سقلش ریاستی، اوزاق حدودلر اهالیسی‌نینگ طبی احتیاج‌لرینی حل قیلیش بو اداره‌نینگ بیرینچی ایشلریدن بولیب و نمک‌آب همده باشقه تومنلرده طبی خذمت‌لرنی کینگه‌یتیریش اوچون سعی-حرکت قیلینه‌یاتگنینی بیلدیره‌دی.
