بغلان مرکزی پلخمری شهری یشاوچیلریدن قطاری نینگ ایتیشلریچه، نیچه مدت‌دن بویان اوشبو شهرده رستورانتلر و سرک‌لر یانیده ییگولیک ماده ساتیله‌دیگن دکان‌لرده، بیربار مصرف و پلستیکی ایدیشلردن قوللنیلیشی کوپه‌یگن.
بغلان یشاوچیلریدن عبدالسمیع، پلستیکی ایدیشلر نینگ ساغلیق خصوصیده ضررلی دیب ایتیشیچه: «سونگی کون‌لر پلخمری شهری‌ده ایشچیلر ییگولیک ماه جمله‌دن ایسیق برنج ساتیب آلگنلری پیتده، پلستیکی ایدیشلر گه آله‌دیلر که بو کوپ ضررلی. پلستیک‌دن قوللنیش ساغلیق اوچون ضررلی و اونینگ قوللنیلیشی نینگ کمه‌یشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو شهر یشاوچیلریدن باشقه بیری محمداکبر، پلستیکی ایدیشلر اورنیده شیشه‌یی ایدیشلردن قوللنیلیشی نی ایسته‌ب ایتیشیچه: «یشاوچیلردن بیربار مصرف و پلستیکی ایدیشلردن قوللنمسلیکلری نی ایسته‌یمیز، اونینگ اورنیده شیشه‌یی ایدیشلردن قوللنسینلر. اوی و بازارده دایم شیشه‌یی ایدیشلردن قوللنسینلر.»
عین حالده، پلخمری شهری‌ده یخنی و جوس ساته‌دیگنلر و رستورانت ایگه‌لری نینگ ایتیشلریچه، اولر شیشه‌یی ایدیشلردن قوللنیش نی سوره‌یدیلر؛ بیراق یشاوچیلر بویورتمه‌لری نینگ پلستیکی ایدیشلرده قولگه کیلتیریش نی ایسته‌یدیلر.
پلخمری شهری‌ده یخنی ساته‌دیگنلردن شفیق‌الله نینگ ایتیشیچه: «حقیقتا ایسیق یخنی، پلستیکی گیلاس‌لر گه تشلنگنی صورت‌ده گیلاس خراب بوله‌دی. بیزلر گه بیللی، لیکن اهالی اوزی تیز تیز تشله که ایشیمیز کوپ دییدیله. بولمسه شیشه‌یی گیلاس یخشی دیر و بیزلر گه هم مصرف کوپه‌یمه‌یدی. بیربار مصرف پلستیکی گیلاس‌لر نی دانه‌سی اوچ روپیه بوله‌دی.»
شونینگدیک بغلان مرکزیده‌گی رستورانت ایگه‌لریدن خالد نینگ ایتیشیچه، رستورانت ایگه‌لری رستورانت‌دن تشقری‌ده‌گی بویورتمه‌لر اوچون پلستیکی ایدیشلردن قوللنیش گه مجبورلر. اونینگ کوپه‌یتیریشیچه: «حاضر ایسه اونچه‌لیک پلستیکی ایدیشلردن قوللنمه‌یمیز. بعضی کیشی اویی گه ییمک آلیب کیته‌دی، ساغلیگی اوچون ضررلی دیر، لیکن باشقه ایدیش یوق انه سبب، پلستیکی ایدیش‌دن قوللنیش گه مجبور دیر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بغلان ده شفاکارلر بیربار مصرف و پلستیکی ایدیشلر نینگ بی‌مورد قوللنیلیشی نی ضررلی عنوان قیلیب و یشاوچیلردن، اونینگ اورنیده شیشه‌یی و قاغازی ایدیشلردن قوللینیشی نی ایسته‌گن.
بغلان ساغلیق‌نی سقلش ریاستی نینگ اطراف-محیط بولیمی مسئولی رفیع عارف نینگ سلام‌وطندار گه ایتیشیچه: «پلستیک‌دن قوللنیلیشی نینگ ضرری بار. یشاوچیلر پلستیک‌دن قوللنیش اورنیده تکه‌یی یا-ده قاغازی خلته‌لردن قوللنیشلری کیره‌ک. شونینگدیک قهوه و چای اوچون بیربار مصرف یا-ده پلستیکی گیلاس اورنیده شیشه‌یی گیلاس‌‌دن قوللنسینلر. پلاستیکی نرسه‌دن قوللینیلیشی نینگ آلدی آلینیشی کیره‌ک.»
ایتیش کیره‌ک که، بیر دهه‌دن بویان رستورانتلر و سرک‌لر یانیده آزیق-آوقت ساتیلیشی نینگ کوپه‌یگنی بیلن، بیربار مصرف و پلستیکی ایدیشلردن قوللینیشی کوپه‌یگن؛ بیراق شفاکارلر دایم پلستیکی ایدیشلر اینیقسه ایسیق ییمکلر اوچون پلستیکی ایدیشلردن قوللینلیشی نینگ سرطان گه چیلینیش عامل‌لریدن بیری دیب آگاه‌لنتیرگنلر.
