اوتگن کون (یک‌شنبه، ۹-ثور)، بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، بیر گزارش آرقه‌لی جاری میلادی ییل نینگ باشلنگنی‌دن حاضرگچه افغانستان ده ۱۴مینگ ۵۰۰دن آرتیق شبههلی قیزه‌میققه چیلنگن کسل نینگ رویخط گه آلینگنی و اولر ارا ۷۱ ته‌سی نینگ بو کسل‌لیک عاقبتیده جان بیرگنی نی اعلام قیلگن.
یونیسف گزارشی نینگ بیر بولیمی‌ده کیلیشیچه: «بو گزارش اساسیده ۲۰۲۴-ییل نینگ باشلنگنی‌دن حاضرگچه افغانستان ده قیزه‌میق کسللیگی خصوصیده ۱۴مینگ ۵۷۰ شبههلی و ۷۱ کیشی نینگ اولیمی ثبت بولگن که بو آماردن کوپینچه‌سی نی بیش یاش قویی باله‌لر تشکیل بیره‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عایله‌لردن قطاری ساغیلق‌‌نی سقلش وزیرلیگی‌دن مملکت بویلب قیزه‌میققه قرشی ایملش کمپاینی نینگ یولگه قوییلیشی نی ایسته‌گنلر.
قیزه‌میق کسللیگی گه چلینگن بیر یاشر باله‌سی نینگ صحت طفل کسل‌خانه‌سیگه دوالنیش اوچون کیلتیرگن نبیلا نینگ سلام‌وطندار گه ایتیشیچه: «باله‌م قیزه‌میققه چلینگن دیر. باش‌ده ایسیتمه قیلگن ایدی و اوچ کون‌دن کیین ایسه بدنی گه بخار چیقردی و حاضر یخشی بولگن و کسل‌خانه‌دن رخصت بوله‌دی. ساغلیق‌نی سقلش وزیرلیگی‌دن باله‌لر اوچون قیزه‌میققه قرشی ایملش کمپاینی نینگ یولگه قوییلیشی نی ایسته‌یمین.»
شونینگدیک باله‌سی قیزه‌میققه چلینیب و اندراگاندی کسل‌خانه‌سیگه بستری بولگن آنه‌لردن فریده نینگ ایتیشیچه: «اوغلیم نینگ تورت کون ایسیتمه‌سی بار ایدی. شونینگدیک ایچ کیتمه ایدی و کسل‌خانه گه کیلتیردیم. قیزه‌میق دیدیلر و حاضر وضعیتی یخشی بولگن و باله‌لر اوچون قیزه‌میققه قرشی ایملنیش نینگ باشلنیشی نی ایسته‌یمیز.»
عین حالده، شفاکارلردن قطاری باله‌لرده سینه بغل، ایسیتمه و وجودیگه قیزیل دانه چیقیش نی، قیزه‌میققه چیلینیش اصلی نشانه‌لریدن عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
کابل ده اندراگاندی کسل‌خانه‌سیده‌گی متخصص ذبیح‌الله شمس امرخیل، اوشبو یوقمه کسل‌لیک نینگ آلدی آلیشی خصوصیده ایتیشیچه: «قیزه‌میق یوقمه بیر کسل‌لیک دیر و کوپراق بیش یاش قویی باله‌لر نی توته‌دی و باله‌لر نینگ چلینمه‌سلیگی اوچون نظافت نی رعایت قیلیب و باله‌لر گه قیزه‌میق واکسینی تطبیق بولیشی کیره‌ک.»
ایتیش کیره‌ک که، اوتگن جمعه کونی خلق‌ارا ساغلیق‌نی سقلش تشکیلاتی بیر گزارش ترقه‌تیش بیلن، جاری میلادی ییل نینگ باشلنگنی‌دن حاضرگچه افغانستان ده قیزه‌میق کسللیگی گه چلینیش نتیجه‌سیده ۹۴ ته‌سی نینگ جان بیرگنی نی ایتگن ایدی.
