غور ولایتی ساغلیق‌نی سقلش مسئوللری اوشبو ولایتده قیزه‌میققه چلینگنلر سانی کوپه‌یگنیدن خواطر بیلدیریب ایتیشلریچه، یالغیز بو ولایت نینگ مرکزی کسلخانه‌سیده قریب ۱۳۰ باله قیزه‌میققه چلینگن‌لیگی قید ایتیلگن.
غور ولایتی کسلخانه‌سی باله‌لر بولیمی متخصصی محمدموسا الفت نینگ سلام‌وطندار گه ایتیشیچه، اوشبو کسل‌لیک ولایت مرکزی و بیر قطار تومن‌لریده عایله‌لر نینگ آگاهی‌سیزلیگی و قیزه‌میق واکسینی تطبیق بولمسلیگی طفیلی کوپه‌یگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو ییل افسوس بیلن قیزه‌میق قیته کوپه‌یگن، ایکی ییل آلدین قیزه‌میققه چلینگنلر سانی سیزیلرلی درجه ده کوپ ایدی و خورسندلیک بیلن بو ییل قیزه‌میق تلفاتی آز دیر، اوشبو ییل ده بیر کیشی وفات قیلگن و سونگی آی ده قیزه‌میققه چلینگنلر سانی کوپه‌یگن، اصلی سببی باله‌لر واکسین بولمسلیگی و عایله‌لر نینگ آگاهی‌سیزلیگی دیر.»
باشقه تاماندن، غور ولایتی کسلخانه‌سیده کسل‌دارلردن بیرقطاری نینگ ایتیشلریچه، اولر اوشبو کسل‌لیک دن هیچ آگاهی‌لیک‌لری یوق و نیچه مرته باله‌لرینی دوالش اوچون ولایت نینگ ساغلیق مرکزی گه مراجعت قیلگنلر، لیکن ساغلمه‌گن.
غور چهارسده تومنی یشاوچیسی زهرا گه کوره: «باش اول عادی کسل دیدیلر و شفاکار گه مراجعت قیلدیک اونگه دارو بیردی لیکن هیچ فایده قیلمه‌دی و نهایت بو ییرگه آلیب کیلدیک.»
بیزلرنینگ «ایکس» ترماغی ده هم تعقیب قیلینگ!
غور ساغلیق‌نی سقلش ریاستی مسئوللری بو ولایتده قیزه‌میققه چلینگنلر سانی کوپه‌یشیدن خواطر بیلدیریب ایتیشلریچه، اولر همکار موسسه‌لر اویغون‌لیگی بیلن قیزه‌میققه چلینگن باله‌لرنی دوالش اوچون علیحده بولیم آچیش گه اولگورگنلر.
غور ساغلیق‌نی سقلش ریاستی اورین باسری عبدالاحمد نوری گه کوره: «غور ساغلیق‌نی سقلش ریاستی ولایتی کسلخانه نینگ بیر قسمیده قیزه‌میققه چلینگنلر اوچون مناسب جای تیارله‌گن، قیزه‌میققه چلینگنلر سانی کوپه‌یگن امکانیت، دارو و متخصص‌لر بار الحمدالله ییترلیچه بو کسل آلدینی آلیش گه اولگوردیک.»
غور ساغلیق‌نی سقلش مسئوللری گه کوره، بو کسل‌لیک نینگ بیلگی‌لری بورون دن سوو آقیش، ایسیتمه، اشتهاسیزلیک، یوتل دیر باله‌لریده اوشبو بیلگی‌لر کوریلگن حالده عایله‌لر اولرنی دوالش اوچون ساغلیق مرکزلر گه آلیب باریش‌لری کیره‌ک.
