لغمان یشاوچیلریدن بیرقطاری نینگ ایتیشلریچه، سونگی نیچه آی ده اوشبو ولایت ده قیزه‌میققه چلینگنلر سانی کوپه‌یگن.
اولر گه کوره، طبی امکانیت‌لردن یخشی فایده‌لنه آلمه‌ی و ویروسی کسل‌لیکلر حقیده آگاهی‌لیکلری یوق دیر.
لغمان مرکزی مهترلام شهری یشاوچیلریدن بیری حمیدالله گه کوره، جیینی کسل ایدی؛ لیکن قیزه‌میققه چلینگنیدن خبرسیز ایدیلر.
او نینگ کوپه‌یتیریشیچه: «جیینم نینگ آرقه‌سی و قوللریده کوپ سانده قیزیل دانه چیقیب و آغیر ایسیتمه‌سی بار ایدی. کسلخانه گه آلیب کیلدیک شفاکارلر قیزه‌میققه چلینگنینی ایتدیلر. سابق گه نسبتن حاضر احوالی یخشی دیر.»
بیزلرنینگ فیسبوک صحیفه‌میزگه باش اورینگ!
۱۱ یاشر قیزینی دوالش اوچون مهترلام کسلخانه‌سی گه آلیب کیلگن لغمان ولایتی قرغه‌ای تومنی یشاوچیسی نورمحمد نینگ ایتیشیچه، قیزی انچه دن بویان اوشبو کسل‌لیککه چلینگن ایدی، بیراق کسلخانه گه تیکشیریلیشیدن کیین قیزه‌میققه چلینگنی انیقلنگن.
اونگه کوره: «قیزیم کسل ایدی، کسلخانه آلیب کیلدیک قیزه‌میققه چلینگنی انیقلندی. حاضر احوالی یخشی و کیله‌سی اوچ کونگچه کسلخانه دن رخصت بوله‌دی. شفاکارلر باله‌لر نینگ نظافتی گه کوپ دقت قیلیب و یخشی آوقات بیریشنی تأکید قیله‌دیلر.»
ساغلیک ایش بیلرمان‌لری نینگ ایشانچی گه کوره، قیزه‌میق؛ ویروسی بیر کسل‌لیک بولیب و اوشبو کسل‌لیککه چلینگنلر یوتل، زکام و ایسیتمه بوله‌دیلر.
لغمان ولایتی کسلخانه‌سی نینگ ایچکی کسل‌لیکلر متخصصی و باله‌لر بولیمی باشلیغی ضیاءالدین حلیمی نینگ ایتیشیچه، قیزه‌میققه چلینگنلر تیزلیک بیلن کسلخانه گه انتقال بیریلیب و دوالنیش‌لری کیره‌ک.
او نینگ ایتیشیچه: «قیزه‌میققه چلینگن باله‌لر گه یخشی آوقات، پروتین و مایعات کوپ بیریلسه. اوشبو کسل‌لیککه چلینگن باله‌لر تیزلیک بیلن کسلخانه گه آلیب باریلسه، قولی‌لیک بیلن دوالنیش‌لری ممکن.»
بیزلرنینگ توییترده هم تعقیب قیلینگ!
عین‌حالده، لغمان ساغلیق‌نی سقلش باشلیغی پاینده محمد سهاک، اوشبو ولایت ده قیزه‌میققه چلینگنلر سانی کوپه‌یشینی تصدیقلب ایتیشیچه، مذکور کسل‌لیکنی آلدینی آلیش مقصدیده سعی‌وحرکت قیلماقده‌لر.
او نینگ کوپه‌یتیریشیچه: «اوتگن بیش آی ده کسلخانه ده ۱۲۴ کسل نی دواله‌دیک. ۱۷۰ کسل بوتونلی دوالنگن. ایکی نفری وفات ایتدی و باشقه بیر کسل نی ننگرهار کسلخانه‌سیگه یوباردیک. حمل آیی ده ایچکی کسل‌لر سانی کوپ ایدی.»
ایتیش کیره‌ک که، سونگی آی‌لرده قیزه‌میققه چلینگنلر سانی نه فقط لغمان بلکه افغانستان شرقی ولایت‌لریده کوپه‌یگن.
