پروان یشاوچیسی بولمیش نازنین نینگ ایتیشیچه، باله‌سی قیزه‌میققه چلینیب، بیش‌کون‌دن بیری اوشبو ولایت نینگ ۱۰۰ یاتاق‌لی کسل‌خانه‌سیده بستری دیر. اونگه کوره، تورموش اورتاغی باله‌سی نینگ واکسین بولیشی گه رخصت بیرمه‌‌گنی سبب، باله‌سی قیزه‌میققه چلینگن.
نازنین نینگ کوپه‌یتیریشیچه: «تورموش اورتاغیم باله‌لریم نی واکسین بولیش گه قویمه‌یدی. انه شوو سبب، قیزه‌میققه چلیندی. ایسیتمه، کوز آغیریق و خارشی بار. کوپ یامان بیر کسل‌لیک دیر. وطن‌داشلریمیز‌دن باله‌لری نی واکسین قیلیش‌لری نی ایسته‌یمن.»
شونینگدیک ۱۰ آی‌لیک چقه‌لاغی و اوچ یاشر باله‌سی قیزه‌میققه چلینیب و پروان ولایتی نینگ ۱۰۰ یاتاق‌لی کسل‌خانه‌سی گه بستر قیلگن اوشبو ولایت یشاوچیسی شازیه نینگ ایتیشیچه: «بیرینچی‌ده یوته‌لی بار ایدی کیین ایسه، ایچ کیته و ایسیق چیقه‌ریب جانی گه دانه چیقدی.»
بیزلرنینگ توییترده هم تعقیب قیلینگ!
شونده‌ی بیرحالده، مذکور کسل‌خانه گه باله‌سی نی بستر قیلگن اوشبو ولایت نینگ دره‌ی غوربند یشاوچیسی سحر‌گل نینگ ایتیشیچه، قیزه‌میق کسللیگی قیشلاع‌لریده کوپه‌یگن و مذکور کسل‌لیککه باله‌لر گه علاوه کیکسه‌لر هم چلینگن دیر.
اولر ساغلیق مسئوللریدن باله‌لری نینگ اوشبو کسل‌لیککه چلینمه‌سلیگی اوچون قیشلاغ‌لریده قیزه‌میققه قرشی کوره‌ش کمپاینی نینگ باشلنیشی نی ایسته‌گنلر.
عین حالده، پروان نینگ ۱۰۰ یاتاق‌لی کسل‌خانه باش شفاکاری عبدالخلیل حیدری نینگ سلام‌وطندار گه ایتیشیچه، سونگی ۱۴ آی‌ده قیزه‌میققه چلینگن باله‌لر سانی اوتگن ییل گه قره‌گنده ۸۲ فایز کوپه‌یگن. اونگه کوره، اوشبو کسل‌لیککه چلینگن‌لر سانی کوپه‌یگنی صورت‌ده، درمانی خذمت‌لر، طبیات اوسکون‌لر و یاتاق ارایه‌سی خصوصیده قیین‌چیلیک بیلن روپه‌ره بولیش‌لری ممکن.
حیدری باله‌لر نینگ قیزه‌میققه چلینیش سببی نی، اوشبو کسل‌لیک خصوصیده عایله‌لر نینگ معلومات‌سیزلیگی و واکسین نینگ وقتی‌ده و درست شکلده تطبیق بولمه‌یشی عنوان قیلیب و ساغلیق نی سقلش ریاستی‌دن، واکسیناتورلر گه درست شکلده واکسین قیلینیشی خصوصیده تعلیم بیریلیب و مملکت بویلب واکسین نینگ وقتی‌ده تطبیق بولینیشی نی ایسته‌گن.
اونینگ کوپه‌یتیریشیچه: «۱۴۰۰-ییل‌ده ۴۱ کسل و ۱۴۰۱-ییل‌ده ۲۳۵ کسل و شونینگدیک ۱۴۰۲-ییل نینگ حمل و ثور آیی‌ده ۲۵ کسل بستری‌میز بار ایدی که، بو خواطرلنتیرووچی دیر.»
شونده‌ی بیرحالده، پروان ساغلیق نی سقلش ریاستی‌ده یوقمه کسل‌لیکلر نی کنترول قیلیش مسئولی سیر نینگ ایتیشیچه، قیزه‌میققه قرشی کوره‌ش ایملش برنامه‌سی اوشبو ولایت یننگ برچه ساغلیق مرکز‌لریده موجود دیر؛ بیراق عایله‌لردن قطاری باله‌لری نینگ واکسین قیلینیشی نی ایستمه‌یدیلر.
بیزلرنینگ فیسبوک صحیفه‌میزگه باش اورینگ!
جناب سیر نینگ کوپه‌یتیریشیچه: «سونگی کون‌لرده قیزه‌میق کسللیگی پروان نینگ مرکزی و خواجه‌سیاران بولیم‌لریده کوپه‌یگن ایدی. اوشبو کسل‌لیک نینگ کوپه‌یشی گه اهالی اوزی سبب بولگن، چونکه میدیالر و ساغلیق نی سقلش هم بو توغریده معلومات بیرگن. پروان ده واکسین‌دن قالگن هیچ ساحه قالمه‌گن ایدی.»
ایتیش کیره‌ک که، قیزه‌میق یوقمه بیر کسل‌لیک دیر که، کنترول بولمه‌گنی صورت‌ده، تیز بیر شکلده یوقیشی ممکن.
