پولیو و قیزه‌میققه قرشی واکسین بولیش پروسه‌سی، بوگون هرات ده مسئوللر نینگ حضوری بیلن باشلنگن.
هرات ساغلیق نی سقلش مسئوللری نینگ ایتیشلریچه، اوشبو دور ده رباط سنگی و ادرسکن تومن‌لریدن باشقه هرات ولایتی بویلب بیش یاشنی تولدیرمه‌گن ۵۰۰ مینگ‌دن آرتیق باله، قیزه‌میق و پولیو گه قرشی ایمله‌نیش‌لری کوتیله‌دی.
بیزلرنینگ توییترده هم تعقیب قیلینگ!
اوشبو ولایت عامه ساغلیق ریاست اورین‌باسری محمد‌آصف کبیر نینگ ایتیشیچه: «بو پروسه‌ده ۹ آی‌لیک‌دن ۵ یاش نی تولدیرمه‌گن بالهلر گه قیزه‌میق واکسینی و تازه توغیلگن باله‌لردن ۵ یاشر بالهلر گه پولیو گه قرشی واکسینی تطبیق بوله‌دی که، پولیو گه قرشی ایملنه‌دیگن بالهلر نینگ سانی قریب ۵ لک و ۹۹ مینگ دیر و وشونینگدیک قیزه‌میق واکسینی نینگ آلیش شرایطی گه ماس بولگن ۵ لک و اون مینگ باله گه پولیو واکسینی نی تطبیق قیله‌میز.»
جناب کبیر هرات ولایتیده واکسین برنامه‌لری نینگ تطبیق بولمه‌گنی، قیزه‌میق کسللیگی نینگ کوپه‌یشی گه سبب بولگن دیب و ایتگن که، اوتگن ۷ آیده اوشبو کسل‌لیک کوپراق بولگن و آمار‌لر اساسیده، مذکور کسل‌لیککه ایکی مینگ و ۴۵۰ باله چیلینگن که اولردن، ۲۱ته‌سی هرات حوزوی کسل‌خانه‌سیده جان بیرگن.
قیزه‌میق یوقمه بیر کسل‌لیک دیر که داکترلر گه کوره، باله‌لر‌ده ایسیق، کوز نینگ قیزریشی، ریزش، یوتل و اشتیاه‌سیزلیک اوشبو کسل‌لیک نینگ علایم‌لریدن دیر.
بیزلرنینگ فیسبوک صحیفه‌میزگه باش اورینگ!
هرات ده بالهلر نینگ داخله متخصصی خان‌محمد مصدق نینگ ایتیشیچه: «قیزه‌میق یوقمه بیر کسل‌لیک دیر. بالهلر ۳۸ الی ۳۹ درجه ایسیق چیقره‌دیلر و شونینگدیک کوزلری قیزره‌دی باشقه جلد‌لری قیزره‌دی که بیرینچی کون‌لرده بعضا قولاق‌دن باشلنیب یوزگچه آله‌دی. ایکینچی کون‌لرده جان نی قیزرتیره‌دی و یوتل و ریزش قیزه‌میق نینگ علایم‌لریدن دیر.»
شونینگدیک هرات ده ساغلیق مسئوللری نینگ ایتیشلریچه، قیزه‌میق و پولیو گه قرشی ایملنیش نی، اون کون مسجد‌‌دن مسجد‌ده تطبیق قیلیش‌لری ممکن.
