چیگرهسیز داکترلر افغانستانده قیزهمیق کسللیگی کوپهیگنیدن خواطر بیلدیریب ایتیشلریچه، اوشبو مملکت هر ییل مذکور کسللیک نینگ ترقهلیشیگه گواه ایدی؛ بیراق ۲۰۲۱- ییلده اوشبو کسللیک ۲ مراتبه ترقلگن .
بیزلرنینگ فیسبوک صحیفهمیزگه باش اورینگ!
اوشبو نهاد اوتگن کون (دوشنبه ۲-جوزا) بیر گزارش ترقهتیب ایتیشیچه، اوشبو کسللیک افغانستانده اوتمیشلرگه قرهگنده کوزگه کورنرلی درجهده کوپهیگن و خلقارا ساغلیقنی سَقلش تشکیلاتی آماری اساسیده، ۲۰۲۲ نینگ باشلَنیشیدن حاضرگچه ۴۱ مینگ واقعه رویخط گه آلینگنکه بو جملهدن ۲۷۰ کیشی جان بیرگن.
چیگرهسیز داکترلر نینگ کوپهیتیریشلریچه، انیق رقم، بو رقمدن کوره کوپهراق بولیشی ممکن؛ بیراق اولر نینگ معلوماتی اساسیده یالغیز هرات و هلمند ولایتلریده، اوشبو کسللیککه چلینگن کیشیلر سانی ۴۵۰۰ کیشیگه ییتیشهدی.
شونینگدیک گزارشده کیلیشیچه، اوتگن ییل افغانستانده یوز بیرگن توقنشوولر سبب یشاوچیلر واکسین و ساغلیق خدمتلردن بهرهسیز قالیب ساغلیک مرکزلرده بارهآلمهگنلر انهشو سبب مذکور کسللیک کوپهیگن.
گزارش اساسیده بیرقطار ولایتلرده ۱۰ فایزدن کمراق بالهلرگه قیزهمیق واکسینی تطبیق ایتیلگن.
چیگرهسیز داکترلردن بیری ازمان نینگ ایتیشیچه، ساغلیق خدمتلرنینگ کمهیشی، اوروش، کووید ۱۹ کسللیگی نینگ ترقهلیشی و شونینگدیک توییب آوقاتلنمسلیک کسللیگی وضعیت نی یامانلشتیریب، افغانستان بوتون ولایتلریگه قیزهمیق واکسینی نینگ تطبیق ایتیلیشیگه توسیق بولگن.
عینحالده، افغانستانده چیگرهسیز داکترلر نهادی نینگ ساغلیک خدمتلر ارایه قیلیش بوییچه هماهنگ قیلوچیسی نینگ اورین باسری داکتر همایون نینگ ایتیشیچه: «اهالی واکسین قولگه کیلتیریشنی ایستهدیلر، بیراق اهالی نینگ ساغلیک خدمتلرگه قول تاپیشلری اوچون امکانیت یوق. مملکت یشاوچیلریدن کوپینچهسی ساغلیک مرکزلرده باریشگه قادر ایمسلر.»
بیزلرنینگ توییترده هم تعقیب قیلینگ!
چیگرهسیز داکترلرتشکیلاتی نینگ تأکید قیلیشیچه، حاضر هرات و هلمند ولایتلریده قیزهمیققه چلینگن کسللر درمان آستیده قرار تاپگنلر و قندوز محلی کسلخانهسی نینگ قیزهمیققه چلینگن کیشیلرگه اختصاصی بیریلگن بیر بولیمی مذکور نهاد تامانیدن آرقهداشلیک قیلینهدی.