افغانستان پولیودن بوش نهادی، مملکتده بیر پیتده نیچه واکسین بیلن تیزکار ایملش کمپاینی باشلنیشیدن خبر بیرگن.
مذکور نهادنینگ بوگون اکس صحیفهسیده یازیشیچه، اوشبو کمپاین ایرته (۱۰-اسد، شنبه)، باشلهنیب و ۱۰ کونگچه دوام قیلهدی.
افغانستان پولیودن بوش نهادیگه کوره، بو کمپاینده بالهلر یاش و نیازلری اساسیده، پولیوگه قرشی تامچهلی واکسینلر، غیرفعال پولیو واکسینی، قیزهمیق، پنتاوالنت، سینهبغل و ایچ کیتمه واکسینلرینینگ آلیشلری ممکن.
نیچه واکسین بیلن تیزکار ایملش (MAAC)، واکسیناسیوننینگ قوشمه و ینگی یاندهشووی بولیب، اونده بالهلر پولیو و باشقه خوفلی کسللیکلردن سقلهنیشلری مقصد، یاش و نیازلری اساسیده بیر پیتده نیچه واکسیننی آلهدیلر.
