اسلام امیرلیگی ساغلیقنی سقلش وزیرلیگینینگ اعلام قیلیشیچه، پولیو گه قرشی ایملش فرعی کمپاینی، بوگون ۲۰ ولایتده باشلنهدی.
مذکور وزیرلیکنینگ بوگون (۲۸-ثور، دوشنبه)، بیر بیانیه آرقهلی یازیشیچه، پولیو گه قرشی ایملش کمپاینی تورت کونگچه دوام قیلیب و سکیز میلیون ۳۰۰ مینگ بالهنینگ واکسین بولیشی ممکن.
ساغلیقنی سقلش وزیرلیگیگه کوره، اوشبو کمپاین قندهار، هلمند، ارزگان و زابل ولایتلریده ۱۹ دن ۲۲-میگچه دوام قیلهدی.
شونینگدیک جاری هفته شنبه کونی افغانستان پولیودن بوش نهادی، عایلهلردن بالهلرینی واکسین قیلدیریش آرقهلی افغانستان دن اوشبو کسللیکنینگ بوتونلی اورتهدن کیتیشیده حصه قوشیشلرینی سورهگن.
بو، افغانستان ده جاری میلادی ییلده پولیو گه قرشی ایملش ایکینچی فرعی کمپاینی دیر.
