دنیا ساغلیک تشکیلاتی نینگ ایتیشیچه، افغانستان باشقه وقتلر گه قرهگنده بالهلر نینگ فلجلیگی نی کامل شکلده اورتهدن کیتکزیلیشی گه یقین بولگن دیر.
دنیا ساغلیک تشکیلاتی خلقارا پولیو کونی مناسبتی گه، «باله و آنه بیلن سالم کیلهجک» شعاری بیلن ایتگن که، افغانستان بالهلر نینگ فلجلیگی نی کامل شکلده اورتهدن کیتکزیلیشی گه یقین بولگن دیر.
بیزلرنینگ توییترده هم تعقیب قیلینگ!
مذکور تشکیلات بوگونم (دوشنبه، ۲-عقرب) بیر توییت آرقهلی ایتگن که، افغانستان و پاکستان بالهلر فلجلیگی موردلری موجود بولگن مملکتلردن دیر.
جاری میلادی ییلده، افغانستان ده بالهلر فلجلیگی خصوصیده ایکی مورد ثبت بولگن دیر.
بیرلشگن ملتلر تشکیلاتی نینگ آماری اساسیده، میلادی ۲۰۲۲-ییلده افغانستان ده بالهلر فلجلیگیدن ۵۶ مورد ثبت بولگن ایدی. بو رقم ۲۰۲۱-ییلده ۴ مورد گه قویی کیلگن.
بیزلرنینگ فیسبوک صحیفهمیزگه باش اورینگ!
دنیا ساغلیک تشکیلاتی نینگ معلوماتی اساسیده، افغانستان بویلب ۴۶ مینگ داوطلب جملهدن داکترلر، سنتی درمان قیلووچلر و داروسازلر، بالهلر فلجلیگی گه مراقبت قیلماقدهلر.
ایتیش کیرهک که، ۲۴-اکتبر پولیو گه قرشی کورهش کونی دیب ناملنگن دیر.