غور و بادغیس ساغلیق‌نی سقلش مسئوللری نینگ ایتیشلریچه، اوشبو ولایت‌لر‌ده هوا ساووق‌لیگی و قتناو یوللر یاپیق‌لیگی سبب پولیو واکسینی نینگ نیچه دور قیش کمپاینی تطبیق ایتیلمه‌گن.
غور ولایتی ساغلیق‌نی سقلش ریاستی نینگ سرپرستی عبداللطیف رحیمی نینگ سلام‌وطندار گه ایتیشیچه، اوشبو ولایت‌ده پولیو واکسینی نینگ کمپاینی عملگه آشیریلمه‌گنی باعث ۲۱۱ مینگ گه یقین بیش یاش‌دن قویی بولگن باله پولیو واکسین‌دن بهره سیز قالگن. و نظارت قیلوچی تیم‌لر بو پروسه‌دن نظارت قیله آلمه‌گن‌لر.
بیزلرنینگ فیسبوک صحیفه‌میزگه باش اورینگ!
اونگه کوره، اولر کیله‌سی ییل نینگ بهاری‌گه پولیو واکسین نینگ کمپاین‌نی اوشبو ولایت نینگ برچه تومن‌لریده عملگه آشیریش اوچون حرکت قیلماقده‌لر.
عین‌حالده، بادغیس ولایتی ساغلیق‌نی سقلش ریاستی نینگ اورین باسری صفی الله خادم نینگ ایتیشیچه، اولر، هوا ساووق لیگی سبب پولیو واکسین نینگ ایکینچی دور کمپاینی نی اوشبو ولایت نینگ جوند وبالا مرغاب تومن‌لریده عملگه آشیره‌آلمه‌گن‌لر.
شونده‌ی بیرحالده، مملکت غربی‌ده پولیو واکسینی نینگ تطبیق قلیش مسئولی وحیدالله رحمانی نینگ کوپه‌تیریشیچه، هوا وضعیتی یخشی‌لنیب، قتناو یوللر آچلیشی بیلن غور و بادغیس ولایت‌لری نینگ برچه تومن‌لریده پولیو واکسینی نینگ کمپاینی قیته باشله‌نیشی ممکن.
افغانستان اوشه مملکت‌لر قطاری‌دن دیر که حاضرهم پولیو و یا باله‌لرنی فلج قیلوچی کسلیگی کسکین شکلده یوق ایتیلمه‌گن دیر.
بیزلرنینگ توییترده هم تعقیب قیلینگ!
مملکت ساغلیق‌نی سقلش مسئوللری نینگ معلوماتی اساسیده، پولیو کسلیگی نینگ بیرینچی مثبت واقعه‌سی میلادی ۲۰۲۲- ینچی ییل پکتیکا ولایتی‌ده قید ایتیلیب و مملکتده کوپینچه کیشی‌لرنینگ ناگران لیگیگه سبب بولگن دیر.
