بیرلشگن ملت‌لر تشکیلاتی نینگ باله‌لرنی قوللب قوتلش صندوغی یا یونیسف نینگ اعلام قیلیشیچه، ۲۰۲۲- ییل اوچون افغانستان بویلب فلج باله‌لر یا پولیوگه قرشی ایملش بیرینچی کمپاینی باشلنگن.
مذکور نهاد اعلامیه ترقه‌تیش بیلن ایتیشیچه، ۲۰۲۲- ییل اوچون پولیوگه قرشی ایملش بیرینچی کمپاینی تورت کون دوام ایته‌دی، افغانستان بویلب بیش یاش‌دن کیچیک ۹.۹ میلیون باله واکسین بولیش‌لری ممکن.
اعلامیه‌گه کیلیشیچه، ۲۰۲۱- ییل نوامبر آی واکسین کمپاینی‌ده بیش یاش‌دن کیچیک ۸.۵ میلیون باله و شونینگدیک دسامبر آیی‌ده ۸ میلیون باله پولیوگه قرشی ایملنگن.
بیزلرنینگ فیسبوک صحیفه‌میزگه باش اورینگ!
یونیسف نینگ تاکیدلشیچه، افغانستان‌ده پولیو اینگ کم درجه‌ده ترقه‌لگن ۲۰۲۱- ییل‌ده، اوشبو ویروس نینگ اساسدن یوقاتیش اوچون مثل‌سیز فرصت یره‌تیلگن ایدی. یونیسف گه کوره، ۲۰۲۱- ییل‌ده تورت پولیو واقعه ثبت ایتیلیشی‌دن گزارش بیریلگن، غزنی‌ده بیر واقعه و قندوز ولایتیده اوچ واقعه رویخط گه آلینگن.
افغانستان ده دنیا ساغلیک تشکیلات دفتری مسئولی داپنگ لو، نینگ ایتیشیچه، میلادی ۲۰۲۲- ییل باشله‌نیشی افغانستان ده باله‌لر فلج کسل‌لیگی نی نابود قیلیش اوچون یخشی بیر فرصت دیر. اونینگ اورغولشیچه، مذکور هدف گه قول تاپیش اوچون ۲۰۲۲- ییل ده باشقه ۵ واکسین کمپاینی تطبیق ایتیلیشی گه قرار قیلینگن.
باشقه بیر تاماندن افغانستان ده یونیسف نماینده‌سی آلیس آکونگا، مذکور نهاد افغانستان‌ده برچه باله‌لر فلج و آلدی آلینه‌دیگن باشقه کسل‌لیکلرگه قرشی واکسین ایتیلیشی دن ایشانچ قولگه کیلتیریش اوچون متعهد دیر.
اونینگ اورغولشیچه: «اوشبو ییل‌ده برچه باله‌لر واکسین بولیش‌لری و بو کسل‌لیک اساسدن یوقاتیلیشی اوچون سعی-حرکت لریمیزگه دوام بیریشی‌میز کیره‌ک.»
افغانستان دنیا بویلب پولیو مثبت واقعه‌لری ثبت بوله‌دیگن ایکی مملکت دن بیری دیر. اوتگن ییل‌لرده ساغلیق‌نی سقلش ایشلاوچی‌لری امنیتی قیینچیلیکلر باعث اوزاق منطقه‌لرگه باریب باله‌لرنی واکسین قیله آلمه‌گن ایدیلر.
بیزلرنینگ توییترده هم تعقیب قیلینگ!
