بیرلشگن ملتلر تشکیلاتی نینگ باله‌لردن حمایت قیلووچی صندوغی یا-ده یونیسیف نینگ اعلام قیلیشیچه، بوتون مملکتده پولیو (باله‌لر فلج‌لیگی) واکسینی نینگ تطبیق ایتیش پروسه‌سی ۴ کون گه قدر یولگه قوییلگن.
بوگون دوشنبه یونسیف بیر خبرنامه ترقه‌تیب ایتیشیچه، بوتون مملکتده جاری ییل ۱۳- الی ۱۶- دسامبر گچه ۹.۹ میلیون باله نینگ واکسن قیلینیشی گه قرار قیلینگن. بیراق اوشبو نهاد نینگ اورغولشیچه، مذکور پروسه کیله‌جک هفته‌ده شرق و جنوب شرق حوزه‌لریده باشله‌نیشی گه قرار آلینگن.
بیرلشگن ملتلر تشکیلاتی نینگ باله‌لردن حمایت قیلووچی صندوغی نینگ ایتیشیچه، بو بوتون افغانستان ده پولیو واکسنی نینگ تورتینچی دوری و مذکور واکسن امنیتی قیینچلیکلر باعث تطبیق ایتیلمه‌گن منطقه‌لرده، ایکینچی دور دیر. افغانستان ده ساغلیک نی سقلش تشکیلاتی نماینده‌سی داینگ لو نینگ ایتیشیچه، مملکتده بوتون باله‌لرنینگ واکسین ایتیش اوچون کوپراق سعی و حرکت قیله‌دیلر.
بیزلرنینگ فیسبوک صحیفه‌میزگه باش اورینگ!
بیراق اونینگ اورغولشیچه، اوشبو نهاد دوام‌لی بیر شکلده اوتگن ییل‌لرده قول تاپه‌‌آلمه‌گن منطقه‌لرگه قول تاپیپ و پولیو ویروسی برابریده باله‌لر خوفسیزلیگی نی کوپه‌یتیریشی کیره‌کلی دیر. اونگه کوره، اوشبو پروسه‌سی نینگ کوچلنتیریش اوچون ۲۰۲۲ ییلده باشقه بیر کمپاین یولگه قوییلیشی خصوصیده هم برنامه آلینگن و اوشبو کمپاین وقتیده عمل گه آشیریلیب و برچه باله‌لر واکسن گه قول تاپیش‌لری خصوصیده ایشانچ قولگه کیلتیریش‌لری کیره‌ک.
دنیا ساغلیک تشکیلاتی نماینده‌سی نینگ کوپه‌یتیریشیچه، حاضرگچه افغانستان و پاکستان ده پولیو واقعه‌سی کوپ رویخط گه آلینمه‌گن و شو حاضر مذکورویروس نینگ نابود قیلیش اوچون فرصت بار. یونیسف نینگ معلوماتی اساسیده، بو ییل مملکتده پولیو دن ۴ ایجابی واقعه گزارش بیریلگن که بیری غزنی و اوچ ته‌سی ایسه قندوز ده قید ایتیلگن.
