دنیا ساغلیک تشکیلاتی نینگ اعلام قیلیشیچه، افغانستان ده پولیو واکسنی (باله‌لر فلج‌لیگی) نینگ اوی‌مه‌اوی تطبیق ایتیلیشی کیله‌جک اوچ هفته (۸- نوامبر) گچه باشلنه‌دی.
مذکور تشکیلات بیر اعلامیه آرقه‌لی ایتیشیچه، بو پروسه‌ده افغانستان‌‌ده‌گی باله‌لردن برچه‌سی اینیقسه اوتمیش‌ده واکسین بولمه‌گن باله‌لردن ۳.۳ میلیونی واکسین بوله‌دی.
اعلامیه ده افغانستان بوییچه دنیا ساغلیک تشکیلاتی نینگ نماینده‌سی داینک لودن نقل قیلینیب و پولیو واکسنی نینگ اوی‌مه‌اوی تطبیق ایتیلیشی ایجابی دییلگن. اونگه کوره، پولیو کسل‌لیگی نینگ یکونله‌نیشی اوچون باله‌لرنینگ بو واکسین گه دایمی قول تاپیشی کیره‌کلی دیر و اولویت گه قرار تاپیشی کیره‌ک.
بیزلرنینگ فیسبوک صحیفه‌میزگه باش اورینگ!
دنیا ساغلیک تشکیلاتی گه کوره، بو کسل‌لیک نابود ایتیلیشی اوچون پولیو واکسنی افغانستان و باشقه مملکت‌لرده تطبیق ایتیلیشی اونملی دیر. بو واکسن تطبیق ایتیلیشی بیلن ویتامین «A» نینگ مکمل دوزی ۶ الی ۵۹ آی‌لیک باله‌لرگه تطبیق ایتیله‌دی.
افغانستان ده پولیو واکسنی نینگ تطبیق ایتیلیش پروسه‌سی، اوتگن آیلرده اوروش شدت‌لنگنی و افغانستان ده اسلامی امارت نینگ قدرت گه ایریشیشی باعث توخته‌تیلگن ایدی.
