جوزجان ده خلق‌ارا ساغلیک تشکیلاتی نینگ ولایتی مسئوللری، بو ولایتده ۵۶ مینگ باله پولیو واکسینی دن محروم قالگنی توغریسیده خبر بیریب ایتیش‌لریچه، مذکور باله‌لر طالبان نظارتی گه بولگن منطقه‌لرده دیر.
خلق‌ارا تشکیلاتی نینگ جوزجان ولایتیده‌گی مسئولی داکتر صادق عطایی نینگ سلام‌وطندار گه ایتیشیچه، بوگون (دوشنبه ۵- عقرب) ۵ یاشدن قویی باله‌لرگه پولیو واکسینی تطبیق ایتیلیشی خصوصیده کمپاین باشلنگن و بو کمپاین تورت کون گچه دوام ایتیشی ممکن.
جناب عطای نینگ کوپه‌‌یتیریشیچه، اوشبو کمپاین جریانیده ۱۷۷مینگ باله‌دن ۱۲۱ مینگ ته‌سی شبرغان مرکزی و تومن‌لریده واکسین بولیشی ممکن، لیکن قطار تومن‌لرده امنیتی تهدید‌لر میزانی یوقاری بولگنی باعث ۵۶ مینگ باله واکسین‌دن محروم قالیشی ممکن.
جناب عطایی گه کوره، اوشبو کمپاین ۶۷۰ ساغلیک ایشلاوچی‌لری و رضاکارلری تامانیدن جوزجان مرکزی و تومن‌لریده عمل گه آشیریله‌دی.
جوزجان محلی مسئوللری نینگ ایتیش‌لریچه، طالبان گروهی پولیو واکسینی تطبیق ایتیلشی گه توسیق بولمه‌ی و واکسین تطبیق ایتیلیشی اوچون زمینه یره‌تیش‌لری کیره‌ک.
انه شوحالده، جوزجان حاکمی مولوی لطف‌الله عزیزی، پولیو واکسینی شبرغان شهری و تومن مرکزلریده تطبیق ایتیلیشی نی اونملی دیب و بو واکسین تطبیق ایتیلیشی خصوصیده طالبان گروهیدن یاردم سوره‌گن.
جوزجان نینگ ناتینچ تومن‌لریده یشه‌یدیگن عایله‌لردن قطاری، طالبان نظارتیده بولگن منطقه‌لرده پولیو واکسینی تطبیق ایتیلمه‌یشی نی خواطرلی دیب ایتیش‌لریچه، پولیو کسل‌لیگی و واکسین تطبیق ایتیلمه‌یشی ۵ یاشدن قویی باله‌لرنینگ حیاتی نی تهدید بیلن روپه‌رو قیلیشی ممکن.
