جوزجان ولایتی فیض‌آباد تومنی نینگ بالامردیان قیشلاغی کمیده اوچ هفته‌دن بویان طبیعی یانغین گه شاهد دیر. جوزجان خوفسیزلیک مسئوللری نینگ ایتیش‌لریچه، بالامردیان قیشلاغیده یوز بیرگن یانغین‌دن کیین، ۸۰۰ عایله اوشبو قیشلاغ‌دن آواره بولگن دیر.
جوزجان امنیه قومندانلیگی سوزلاوچیسی عبدالستار حلیمی نینگ سلام‌وطندار گه ایتیشیچه، بالامردیان قیشلاغیده یوز بیرگن یانغین نینگ دوام قیلگنی، اهالی نینگ مذکور قیشلاغ‌دن بلخ ولایتی و شبرغان شهری گه آواره بولیش‌لری گه سبب بولگن.
بیزلرنینگ فیسبوک صحیفه‌میزگه باش اورینگ!
جوزجان امنیه قوماندانلیگی سوزلاوچیسی گه کوره، اوشبو قیشلاغ‌ده‌گی یانغین حاضرگچه اوچمه‌گن، لیکن اوشبو وضعیت نی «عالم‌لر و کیکسه‌لر واسطه‌چیلیگی» بیلن نظارت قیلیش اوچون سعی و حرکتلری نینگ دوامی بار. اونینگ کوپه‌یتیریشیچه، فیض‌آباد تومنی نینگ اینگ بویوک قیشلاغ‌لریدن بیری بالامردیان، کمیده اوچ هفته‌دن بویان یانماقده دیر.
شونده‌ی بیرحالده، بالامردیان قیشلاغ یشاوچیلریدن قطاری نینگ ایتیش‌لریچه، مذکور قیشلاغ‌ده حاضرگچه یانغین نینگ دوامی بار. اولر گه کوره، مذکور وضعیت نینگ دوام قیلگنی، مذکور قیشلاغ‌ده یشاوچیلر نینگ قالمه‌یشی گه سبب بوله‌دی.
بیزلرنینگ توییترده هم تعقیب قیلینگ!
عین حالده، جوزجان معلومات و مدنیت ریاست رئیسی سیف‌الدین معتصم وضعیت‌دن نظارت قیلیش اوچون بالامردیان قیشلاغی گه بارگن دیر، اونینگ ایتیشیچه، مذکور قیشلاغ‌ده یوز بیرگن یانغین اوتمیش کون‌لر گه قره‌گنده کمه‌یگن دیر.
بیراق اونینگ کوپه‌یتیریشیچه، یوز بیرگن یانغین اوشبو قیشلاغ یشاوچیلری گه کوپینچه مالی زیان ییتیشتیرگن. جوزجان معلومات و مدنیت ریاست رئیسی ملی و خلق‌ارا نهاد‌لردن اوشبو قیشلاغ یشاوچیلر گه یاردم‌لری نینگ کوپه‌یتیریش‌لری نی ایسته‌گن.
سلام‌وطندار نینگ قولیگه کیلگن رقم‌لر اساسیده، حاضرگچه ۱۲۱ یشش اوی بوتکول و یا قسمی شکلده آلاو آلگن دیر.
