قزاقستاننینگ منگستاو ولایتیده حربی-دینگیز کوچلری مشغولاتی وقتیده ۱۹ نفر حربی، دینکیز گه آقیب کیتیب، عاقبتده اولردن ۹ نفری هلاک بولگن.
قزاقستان مدافعه وزیرلیگی گه کوره، واقعه بوگون (۲ میزان/۲۴ سپتمبر، پنجشنبه) «خزر» دینگیزی ساحلیده اوقوو-جنگوار وظیفهنی بجریش وقتیده یوز بیرگن.
معلوماتلر اساسیده، آب-هوانینگ کیسکین یامانلشیشی و شمال کوچهیشی عاقبتیده، تولقین حربی خذمتچیلرنی دینگیز گه آلیب کیتگن.
معلوماتلر گه بناً دینگیز گه ۱۹ نفر حربی توشیب کیتگن. حاضرگه قدر ۹ نفر حربینینگ هلاک بولگنی تصدیقلنگن. ینه ۳ نفری جملهدن بیر کیشی شفاخانه گه یاتقیزیلگن.
قالگن حربیلرنی قیدیریش ایشلری داوم ایتماقده. قیدیرو-قوتقرو ایشلریگه حربی-دینگیز کوچلری، فوقالعاده وضعیتلر وزیرلیگی بولینمهلری و باشقه تیگیشلی خذمتلر جلب قیلینگنی ایتیلگن.
