ایران‌ده یشه‌یدیگن افغانستان‌لیک مهاجرلرگه قرشی زوره‌وانلیک حاضر هم دوام ایتماقده. ینگی‌لیکده ایران‌دن رد ایتیلیب افغانستان کیلگن مهاجرلر گه کوره، ایران اردوگاه‌لریده اولردن اخاذی‌لیک بولگن و اولر اوییرده بیر قنچه مدت گرو گه آلینگن‌لر.
ینگی لیکده ایران‌دن قیتگن گل احمد نینگ سلام وطندارگه ایتیشیچه، ایران نینگ اردوگاه‌لریدن بیریده مذکور مملکت حربی‌لری اوندن اوچ الی تورت میلیون تومان پول اخاذی‌لیک بولگنی نی معلوم قیله‌دی.
اونگه کوره، ایسله‌تیلگن پول نی قرینداش‌لریدن ایسته‌ب تیار قیلیش‌گه مجبور بولگن. اونینگ کوپه‌یتیریشیچه: «بیزلر بیر کون ایش‌ده ایدیک کیلیب بیزلر نی کمپ گه کیتیردیلر، بیزلر گه ظلم قیله‌دیلر. بیزلردن پول ایسته‌یدیلر، کمیده ۳ الی ۴ میلیون تومان بیزلردن آلدیلر، پولی‌میز یوق ایدی، انه شوو یوزدن دوست‌لریمیز و قرینداش‌لریمیزدن ایسته‌دیک. کلتک‌له‌یدیلر و بیزلر نی کوپ تحقیر قیله‌دیلر.»
بیزلرنینگ فیسبوک صحیفه‌میزگه باش اورینگ!
ایران‌دن قیتگن مهاجرلردن ینه بیریسی نعمان دیر، بو کیشی هم ایران نینگ اردوگاه‌لریدن بیریده گرو گه آلینگن و بونگه علاوه ایران کوچلری تامانیدن قتتیق کلتک‌لنیب، آغیر ایشلرنی قیلیش گه مجبورلنگن.
اونینگ ایتیشیچه: «کمپ‌ده بیزلردن بیر غلام صفتیده قوللنه‌ر ایدیلر، بیزلر گه کییم بیریب یووینگ، اوی‌لریمیز نی پاک قیلینگ و باشقه قیین ایشلر نی اَیتیب و کلتک‌له‌ر ایدیلر.»
باشقه تاماندن ینگی‌لیکده ایران‌دن قیتگن مهاجرلر ایش ایگه‌لری تامانیدن هم آزار ایتیلگن‌لرینی تیلگه آلماقده‌لر.
بیزلرنینگ توییترده هم تعقیب قیلینگ!
هلمند یشاوچیسی بولمیش محمد رحیم نینگ ایتیشیچه، کمیده اوچ آی بیر ییرده ایشله‌گن، بیراق آی‌لیگی نی طلب قیلگن زمان؛ ایش ایگه‌سی آرقه‌لی پولیس گه تاپشیریلیب، رد ایتیلگن.
بو خصوصده اسلام امیرلیگی نینگ فکرینی آلیش گه حرکت قیلدیک، بیراق کوپلب قونغیراق بیلن اولرنی جواب‌نی آلیش گه قادر بولمه‌دیک.
دیمک سونگی آیلر ایچیده ایران ده‌گی افغانستان‌لیک مهاجرلر گه قرشی زوره‌وانلیک‌لردن کوپلب ویدیولر اجتماعی ترماق‌لرده ترقه‌تیلدی، بونینگ آرتیدن اسلامی امیرلیگی نینگ بیر هیئتی ایران ده‌گی افغانستان‌لیک مهاجرلر وضعیتی توغریسیده یچیم یول تاپیش مقصد بیلن بو مملکت گه سفر قیلدی، لیکن بو سفر حاضرگچه قانیقرلی نتیجه بیرمه‌گن.
