ایران‌ده افغان مهاجرلری بیلن یامان معامله قیلیش و اولر نینگ کلتکله‌نیشی گه عاید گزارش‌لر، قتیق عکس‌العمل‌لر گه روپه‌رو بولگن. اجتماعی شبکه‌لرده مملکت فقرالریدن قطاری، ایران‌ده افغانستان مهاجرلری بیلن یامان معامله بولیشنی انسانیت گه قرشی دیه قاره‌له گنلر. اولر نینگ ایتیشلریچه، تیلی و فرهنگی مشترک بولگن بیر مملکتده افغان قاچقینچیلری نینگ کلتکله‌نیشی ینگی‌لیک ایمس و ییل‌لر بویلب افغان مهاجرلری ایران چیگره کوچلری نینگ شفقت‌سیز حرکت‌لرینی تحمل قیلیب کیلماقده‌لر.
مملکت نینگ تانیقلی صنعتکاری فرهاد دریا، فیسبوک حسابی‌ده اعتراضی مکتوبی‌ده یازیشیچه، افغان قاچقینچیلریدن قطاری کم‌سیتیلیش، حقارت و روحی شکنجه گه قوشیمچه، جنسی زورلنیش گه دوچ بوله‌دیلر.
بیزلرنینگ فیسبوک صحیفه‌میزگه باش اورینگ!
فرهاد دریا ایران‌لیکلردن، اولر نینگ شفقت‌سیز و انسانیت سیزلیک سیاست‌لری، باشقه بیرقطاری نینگ عزت و آبروسی گه زیان ییتکیزمسلیک اوچون، یول قویمسلیکلرینی سوره‌گن.
فرهاد دریا نینگ اعتراضی مکتوبی‌ده کیلیشیچه: «بیر انسان و اوشبو سیاره فقراسی اوله‌راق، قنات‌لری سینگن و باش پناه‌سیز بو قوش‌لر برابریده‌گی شفقت‌سیز قیلمیش‌لرینگیزدن اویَلمه‌من. یخشی بیر قوشنی بوله آلمسک، یخشی بیر انسان بوله‌یدیک.»
باشقه تاماندن، افغانستانده اجتماعی شبکه‌لر ایشلاوچیلریدن قطاری، ایران چیگره کوچلری افغان مهاجرلری برابریده شفقت‌سیز و نژاد پرست‌لیک قیلیش‌لرینی یازگن‌لر. فروغ تابش توییتری‌ده بونده‌ی یازگن: «انسانی برچه جامعه کبی بیز نینگ منطقه میز، ایران جامعه‌سی اخلاقی بحران بیلن روپه‌رو دیر. نژاد پرست‌لیک، زوروانلیک، انسانی کرامت‌نی ایاغ آستی قیلیش و انسان گه شفقت‌سیزلیک، بیر جامعه نینگ اخلاقی مغلوبیتی‌دن درک بیره‌دی. نژادپرست‌لیککه قرشی کوره‌ش، ایران‌ده اوستون‌لیک بیریلیشی کیره‌ک.»
شونینگدیک افغانستان نینگ ایران‌ده‌گی قاچقینچیلریدن قطاری، اوشبو مملکتده احوال‌لری یامان‌لیگیدن نالیب ایتیشلریچه، حقارت و کم‌سیتیلیش‌لری باعث آزاد بیر شکلده یوره آلمه‌یدیلر. افغانستان نینگ ایران‌ده‌گی مهاجری محمد جان گه کوره: «بوییرده افغان‌لر احوالی آغیر. پولیس یا تینچ اهالی بولسینگیز هم یامان معامله قیلیشه‌دی حتی حبس گه آلیب، عذاب بیره‌دیلر. بیز اوی‌دن چیقه آلمه‌یمیز.»
افغانستان نینگ ایران‌ده‌گی مهاجرلریدن بیری نقیب‌الله راسخ نینگ ایتیشیچه: «اسلامی امارت‌دن، ایش شرایطینی یره‌تیب و مهاجرلر تشکیلاتی اوچون بیر هیأت یوللشینی طلب قیله‌میز.»
برچه‌سی بیلن اسلامی امارت قاچقینچیلر وزیرلیگی، افغانستان مهاجرلری بیلن ایران نینگ شفقت‌سیز مناسبت‌لرینی خلق‌ارا قانون-قاعده‌لر گه قرشی دیب ایتیشیچه، مهاجرلر نینگ وضعیتی یخشی‌لنیشی اوچون سعی-حرکت قیلماقده‌لر.
بیزلرنینگ توییترده هم تعقیب قیلینگ!
اسلامی امارت قاچقینچیلر وزیرلیگی سوزلاوچیسی عبدالمطلب حقانی نینگ سلام‌وطندار گه ایتیشیچه: «بو توغریده هیچ شبهه یوق اجتماعی ترماق‌لرده ترقه‌لگن ویدیولر اچینرلی دیر، افغان‌لر بیلن ملی و خلق‌ارا قانون-قاعده‌لرگه قرشی یولباریله‌دی. قیینچیلیکلرنی دیپلوماتیک یول‌لر بیلن حل قیلیش اوچون سعی-حرکت قیلماقده‌میز.»
شونینگدیک اسلامی امارت تشقی ایشلر وزیرلیگی نینگ ایتیشیچه، افغان مهاجرلری بیلن ایران چیگره کوچلری نینگ شفقت‌سیز مناسبتی گه دایر، ایران نینگ کابل‌ده‌گی مسئول‌لریدن بیرقطارینی چقیرگنلر. ایتیش کیره‌ک که، مملکتده اسلامی امارت حاکمیتیدن کیین، اولکه نینگ اکثر فقرالری تورلی مملکت‌لرده مهاجر بولدیلر، ایش‌سیزلیک و قشاق‌لیک باعث مهاجرت و مملکت‌نی ترک ایتیش جریانی حاضرگچه دوام ایتماقده و کونسه‌یین یوزلب فقرا قوشنی مملکت‌لر اینیقسه ایران و پاکستان گه ناقانونی شکلده مهاجر بوله‌دیلر.
