امریکا جمهور باشلیغی دونالد ترامپنینگ ایلچیلری استیف ویتکاف و جرد کوشنر کییف گه ایلک سفرلری چاغیده اوکراین جمهور باشلیغی ولودیمیر زلنسکی بیلن اوچرهشیب، روسیه و اوکراین اورتهسیدهگی اوروشنی توگهتیش مسئلهسینی کوریب چیقدیلر.
خلقارا ییتکرمهلر، بوگون (۱۶ سنبله/۷ سپتمبر، دوشنبه) امریکا ایلچیلری بو مذاکرهلرنی «مهم و جدی» دیگنلر.
بو اوچرهشوو، ویتکاف و کوشنرنینگ روسیه جمهور باشلیغی ولادیمیر پوتین بیلن مسکوده اوچرهشویدن بیر کون کیین عملگه آشیریلدی.
ولودیمیر زلنسکینینگ ایتیشیچه: «امریکا رسمیلرینینگ بیز بیلن اوچرهشیش اوچون بو ییرگه کیلگنی جوده مهم. بیز ویتکاف و کوشنرنی اوزاق وقت کوتدیک.»
شو بیلن بیرگه، استیف ویتکاف ایکی تامان «ثمرهلی، جدی و مهم» مذاکره اوتکزگنینی همده بو جریان ضرور بولگن وقتگچه دوام ایتیشینی ایتگن.
بو، ویتکاف و کوشنرنینگ روسیهنینگ میلادی ۲۰۲۲-ییل، فبروری آییده اوکراین گه کینگ کولملی باستیریب کیریشیدن بویان کییفگه ایلک تشریفی دیر. امریکانینگ بو ایکی ایلچیسی بوندن آلدین مسکو گه بیر نیچه بار سفر قیلگن، بیراق شو پیتگچه کییف ده اوکراین رسمیلری بیلن مذاکره اوتکزمهگن ایدی.
روسیه و اوکراین اورتهسیدهگی اوروش حاضرده تورت یریم ییلدن آرتیق وقتدن بیری دوام ایتماقده و یوز مینگلب آدمنینگ هلاک بولیشیگه همده مینگلب کیشینینگ اوی- جاینی ترک ایتیشیگه سبب بولگن.
