اوکراین جمهور باشلیغی ولودیمیر زلنسکی، روسیه ۴۰ دن آرتیق راکته و ۱۲۰ دران بیلن، بو مملکت گه هجوم اویوشتیرگنینی بیلدیردی.
زلنسکی، بوگون (۲۸ سرطان، ۱۹ جولای، یکشنبه) ایکس اجتماعی ترماغیده روسیه اوتگن کیچه بو مملکت پایتختی کییف گه قرشی راکته و دران آرقهلی کینگ کولملی هجوم اویوشتیرگنینی یازگن.
اونگه کوره، اوشبو هجوملرده حاضرگچه بیر کیشینینگ اولگنی و ۱۶ کیشینینگ جراحت آلگنی تصدیقلنگن و جبرلنگن حدودلرده قیدیرو و قوتقرو عملیاتی دوام ایتماقده.
اوکراین جمهور باشلیغی، روسیه فقط اوشبو هفته دوامیده دییرلی بیر مینگ ۴۵۰ دران، بیر مینگ ۶۴۰ باشقرو راکته، ۹۹ ته تورلی خیل راکتهلردن فایدهلنیب اوکراین گه قرشی هجوم اویوشتیرگنینی قوشیمچه قیلگن.
روسیه و اوکراین اورتهسیدهگی اوروش میلادی ۲۰۲۲-ییل فبروری آییده باشلندی و ایکینچی جهان اوروشیدن کیین اروپادهگی اینگ اوزاق دوام ایتهیاتگن و اینگ قانلی ماجرالردن بیریگه ایلنگن. خلقارا سعی-حرکتلرگه قرهمی، حاضرگچه تامانلر اورتهسیده صلح کیلیشووی هیچ بیر نتیجه بیرمهگن.
