امریکا قوشمه ایالتلری جمهور باشلیغی دونالد ترامپ، ایران بیلن مذاکرهلر یخشی آلغه آلیب باریلماقده و اونینگ نتیجهسی ۴۸ ساعتگچه معلوم بولیشینی ایتگن.
ترامپ، ۱۳ اسد/۴ آگست، سهشنبه کونی فاکسنیوز بیلن صحبتده بوندهی دیگن. ترامپ، سوزلری دوامیده هرمز بوغوزی هم تیزلیکده آچیلیشینی بیلدیرگن.
اونگه کوره، امریکا ایران گه قرشی اینگ بویوک حربی عملیات اوتکزیشنی ریجهلشتیرگن ایدی، بیراق ایران رسمیلری مذاکره قیلیشنی خواهلهگنی اوچون بیکار قیلیندی.
امریکا جمهور باشلیغی شونینگدیک، ایران مذاکرهلردن آرتگه چیکینگن حالده، قتیق جواب قیتریلیش بیلن دوچ بولیشلری حقیده آگاهلنتیرگن. او شوندهی دیگن: «ینه آرتگه چیکینسهلر، قتیق ضربه کورهدیلر. اولر بونی بیلیشهدی و باشقه ورینتیمیز یوق.»
بوندن ایلگری امریکا مالیه وزیری اسکات بسنت هم، هرمز بوغوزینی آچیش اوچون ایران بیلن کیلیشوو بوگون نهایی بولیب و کیسکینلیکلر عادیلشیب و بو سوو یونهلیشی آچیلگن حالده، انرژی نرخی پس توشیشینی ایتگن ایدی.
