بیرلشگن ملتلر تشکیلاتی افغانستان ده ایچکی و خارجی نادولتی موسسه‌لرده عیاللر ایشی توخته‌تیلیشی گه قرشی سونگی مناسبتی‌ده ایتیشیچه، عیاللر نینگ ایشلشی مذاکره بوله‌دیگن بیر نرسه ایمس و اسلام امیرلیگی اوز قراری‌دن واز کیچیشی کیره‌ک.
اوتگن کون کیچ قورون بیرلشگن ملتلر تشکیلاتی و خیریه نهاد‌لردن قطار تامانیدن ترقه‌لگن قوشمه بیر بیانیه‌‌ده تاکید بولیشیچه، عیاللر ایشی توخته‌تیلیشی اوشبو مملکت‌ده انسانپرورلیک یاردم‌لر ارائه‌سی خصوصیده سلبی تاثیر قوییشی ممکن.
بیزلرنینگ توییترده هم تعقیب قیلینگ!
اعلامیه نینگ بیر بولیمی‌ده کیلیشیچه: «ایش خصوصیده‌گی چیکلاو‌لر نی کورمس‌لیککه اوره آلمهیمیز. گرچند حیاتی برنامه‌لریمیز نی دوام بیره‌میز؛ بیراق فعالیت‌لریمیز‌دن قطاری نینگ توخته‌یشی نی پیش‌بین‌لیک قیله‌میز، چونکه عیال ایشلاوچی بولمه‌س‌دن انسانپرورلیک یاردم‌لریمیز نی درست شکلده انجام بیره آلمهیمیز.»
شونده‌ی بیرحالده، ۱۲ مملکت نینگ تشقی ایشلر وزیرلری قوشمه بیر اعلامیه ترقه‌تیش بیلن، اسلام امیر‌لیگی‌دن نادولتی موسسه‌لرده عیاللر ایشی توخته‌تیلیشی خصوصیده‌گی قرار‌لری نی بیکار قیلینیشی نی ایسته‌گنلر.
آسترالیا، امریکا، کانادا، بریتانیا، ناروی، آلمان، فرانسه، هالند، جاپان، ایتالیا، سویس، دانمارک و اروپا اتفاقی نماینده‌لری نینگ تشقی ایشلر وزیرلیک‌لری آرقه‌لی صادر بولگن اعلامیه‌ده، عیاللر ایشی توخته‌تیلیشی، زیان کوره‌دیگن و انسانی یاردم‌لر گه نیازمند کیشی‌لر اوچون سلبی تاثیر‌لر قویشی خصوصیده آگاه‌لنتیرگن.
بیراق افغانستان ده عیاللر حقوقی فعال‌لری افغانستان ده عیاللر حق‌لریدن حمایت قیلینیشی خصوصیده بیرلشگن ملتلر تشکیلاتی و دنیا جماعه نینگ رفتاری‌دن تنقید قیلگن.
بیزلرنینگ فیسبوک صحیفه‌میزگه باش اورینگ!
افغانستان ده عیاللر حقوقی فعال‌لریدن شمایل توانا نینگ ایتیشیچه: «عیاللر برابریده یره‌تیلگن برچه چیکلاو‌لردن کیین، دنیا جماعه و بیرلشگن ملتلر تشکیلاتی عکس‌العمل کورستیب، جدی و عملی اقدام قیلیش‌لری نی کوتیب تورگن ایدیک؛ بیراق اولر هر وقت کبی یالغیز بیر عکس‌العمل و فکر بیلدیره‌دیلر.»
عیال حقوقی فعال‌لریدن باشقه بیری معصومه حسینی نینگ ایتیشیچه: «مینی ایشانچیم گه کوره، تشکیلات‌لر و دنیا افغانستان نی کوریب اولتیرگنلر و افغانستان موضوع‌سی اولر گه عادی بولگن.»
ایتیش کیره‌ک که، اسلام امیرلیگی تامانیدن نادولتی موسسه‌لرده عیاللر ایشی توخته‌تیلگنیدن کیین، افغانستان ده انسانپرورلیک یاردم‌لر ارائه قیله‌دیگن خلق‌ارا تشکیلات‌لردن بیش‌ته‌سی اوشبو مملکت‌ده اوز فعالیت‌لری نی توخته‌تگنلر.
