امریکا جمهور باشلیغی دونالد ترامپ، ایراننینگ بو مملکت بیلن مذاکره آلیب باره یاتگنی و کیلشووگه ایریشیش اوچون سعیوحرکت قیله یاتگنینی ادعا قیلگن.
خلقارا ییتکرمهلرنینگ بوگون (۳-اسد/۲۵-جولای، شنبه)، گزارش بیریشیچه، ترامپ امریکا پایتختی واشینگتن ده خبرچیلرنینگ ییللیک ضیافتیده قیلگن نطقیده، ایرانلیکلر سوزلریگه قولاق سالیشنینگ ایستهشینی بیان قیلگن. اونینگ ایتیشیچه: «اولر حاضر بیزلر بیلن مذاکره قیلماقده؛ کیلیشووگه ایریشیشنی ایستهیدیلر؛ فکر قیلهمن حاضرگچه تیار ایمسلر. فکرمچه حاضرگچه وقتی ییتیشمهگن، بیراق مین اولرنینگ سوزلریگه قولاق سالیش اوچون تیارمین.»
امریکا جمهور باشلیغینینگ ینه بیر مرته اورغولشیچه، ایراننینگ هستهای قورالگه قول تاپیشی اوچون رخصت بیرمهیدی. ترامپنینگ کوپهیتیریشیچه، امریکا حربی حرکتلری ایراننینگ حربی امکانیتلرینی جدی شکلده ضعیف قیلگن.
بوندن آلدین امریکا تشقی ایشلر وزیری مارکو روبیو، توقنشوولر یکونلنیشی اوچون مملکتینینگ ایران بیلن مذاکره قیلیشگه تیارلیگینی ایتگن ایدی.
