امریکا قوشمه ایالتلری جمهور باشلیغی دونالد ترامپ، تورکیه، سعودی عربستان و پاکستان اورتهسدهگی مدافعه کیلیشوو امضالنگنیدن خورسند ایکنینی بیلدیرگن.
الجزیره، بوگون (۲۶ اسد/۱۷ آگست، دوشنبه) ترقهتگن گزارشیده، ترامپ بو موضوعنی «تروث سوشیال» اجتماعی ترماغیده یازگنینی معلوم قیلگن.
ترامپ گه کوره، بو اوچ تامانلمه کیلیشوو یقین شرق اتفاق بولماقده و مملکتلر نهایت اوزلریدن دفاع قیله آلیشلرینی کورستهدی.
ایلگریراق تورکیه جمهور باشلیغی رجب طیب اردوغان، مکه مدافعه کیلیشووی هیچ بیر دولت گه قرشی ایمس و بو اوچ دولتنینگ استراتیژیک ارادهسی نمونهسی بولیب، بیرار دولت گه قرشی قرهتیلگن ایمسلیگینی ایتگندی.
ایسلهتیب اوتهمیز، ۱۶ اسد/۷ آگست کونی جده شهریده سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف اشتراکی بیلن بو اوچ مملکت اورتهسیده قوشمه مدافعه کیلیشووی امضالندی.
