مصرنینگ تورکیه، سعودی عربستان و پاکستان قوشمه مدافعه کیلیشوووی گه قوشیلیشی ممکن.
تورکیه تشقی ایشلر وزیری هاکان فیدان، مصر کیینگی باسقیچده مکه کیلیشووی گه قوشیلیشی ممکن دیگن. او، بو کیلیشوو مقصدی فقط مدافعهوی بولیب و اونده هیچ قندهی جاهطلبلیک یوقلیگینی بیلدیرگن.
فیداننینگ کوپهیتیریشیچه، تورکیه جمهور باشلیغی رجب طیب اردوغان اوشبو کیلیشوو فقط اوچ مملکت بیلن چیکلنیب قالمهی و ضرورت بولگن حالده کوپراق مملکتلر قوشیلیشیگه امیدوار دیر.
تورکیه تشقی ایشلر وزیری، شونینگدیک مصرنی بو مملکتنینگ برچه ساحهدهگی شیریکلریدن بیری دیب و کیینگی باسقیچده بونگه قوشیلیشی ممکن دیگن.
مکه مدافعه کیلیشووی(ائتلاف)، سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف اشتراکی بیلن ۱۶ اسد/۷ آگست، جمعه کونی عربستاننینگ جده شهریده امضالندی.
کیلیشوو گه کوره، بیر مملکت گه هجوم برچه گه هجوم حسابلنهدی. قوشمه حربی مشغولاتلر همده اوقوو کورسلرینی اوز ایچیگه آلهدی.
