تورکیه ییتکرمهلری، بوگون (۱۶ اسد/۷ آگست، جمعه) سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف قوشمه مدافعه کیلیشوونی امضالهگنلریدن خبر بیردی.
معلوماتلر گه کوره، سعودی عربستاننینگ جده شهریده امضالنگن اوشبو قوشمه مدافعه کیلیشووی، بو اوچ مملکت اورتهسیدهگی اوزاق ییللیک تاریخی مناسبتلر، مستحکم برادرلیک رشتهلری، اسلامی بیردملیک شونینگدیک، عمومی استراتیژیک منفعتلر و اوزاق مدتلی مدافعه همکارلیگیگه اساسلنگن.
بو کیلیشوو شونینگدیک، اوچ مملکتنینگ عمومی خوفسیزلیگینی ینهده مستحکملش همده منطقهده و اوندن تشقریده تینچلیک، خوفسیزلیک و برقرارلیکنی تأمینلش، خوفسیز و فراوان کیلهجککه ایریشیش یولیدهگی عمومی مجبوریتنی عکس ایتتیریشی تأکیدلنگن.
بوندن ایلگری تورکیه آنادولو ییتکرمهسی، مذکور اوچ مملکت رهبرلری سعودی عربستانده قوشمه مدافعه کیلیشوونی امضالشلریدن خبر بیرگن ایدی.
