تورکیه ییتکرمهلری، بوگون (۱۶ اسد/۷ آگست، جمعه) سعودی عربستان ولیعهدی و باش وزیری شاهزاده محمد بن سلمان، تورکیه جمهور باشلیغی رجب طیب اردوغان و پاکستان باش وزیری شهباز شریف قوشمه مدافعه کیلیشوونی امضالهگنلریدن خبر بیردی.
آنادولو ییتکرمهسیگه کوره، تورکیه، سعودی عربستان و پاکستان بوگون (۱۶ اسد/۷ آگست، جمعه) اوچ تامانلمه مدافعه اتفاقینی توزهدیلر. معلوماتلر اساسیده، اوشبو اوچ مملکت اورتهسیده مدافعه اتفاقی سعودی عربستاننینگ جده شهریده امضالنهدی.
افغانستانلیک شاعر، یازووچی و خطاط تاجمحمد ایلیسیورنینگ قلمی گه منسوب خطاطلیک اثرلر، ایران پایتختی تهران شهریده اوتکزیلدی. بو کورگزمه، ۱۵ اسد/۶ آگست، پنجشنبه کونی ایریم یاش فعاللر و مدنیت سیورلرنینگ اشتراکی بیلن اوتکزیلگن.
تایلند پایتختی بانکوک شمالغربی، کروای بانگی حدودیده جایلشگن مدرسهده قوراللی هجوم عاقبتیده ۶ کیشی هلاک بولگن و ینه ۱۵ کیشی یرهلنگن.
تورکیه جمهور باشلیغی رجب طیب اردوغان، بیر کونلیک ایش سفری اوچون سعودی عربستان گه بارهدی. تورکیه آنادولو ییتکرمهسیگه کوره، اردوغان بوگون (۱۶ اسد/۷ آگست، جمعه) سفر قیلیب سعودی عربستان ولیعهدی و باش وزیری شاهزاده محمد بن سلمان همده پاکستان باش وزیری شهباز شریف بیلن اوچرهشهدی.
حوثیلرنینگ، یمن دولت حربی کوچلری مرکزیگه راکته و دران هجوملری عاقبتیده کمیده ۳۸ عسکر اولیب و ۲۹ عسکر ایسه یرهلنگن.
