حوثیلرنینگ، یمن دولت حربی کوچلری مرکزیگه راکته و دران هجوملری عاقبتیده کمیده ۳۸ عسکر اولیب و ۲۹ عسکر ایسه یرهلنگن.
۱۵ اسد/۶ آگست، پنجشنبه کونی حوثیلر تامانیدن اویوشتیریلگن بو هجوملر، سونگی ییللرده ایکی تامان اورتهسیدهگی اینگ قانلی هجوملردن حسابلنگن.
حوثیلر اوشبو هجوملرده، یمننینگ مأرب ولایتی «الرویک» منطقهسیده حربی بیر مرکز شونینگدیک سعودی عربستان چیگرهسی یقینیده حضرت موت ولایتی «العبر» و «الودیعه» منطقهلریدهگی حربی مرکزلرنی نشانگه آلگن.
معلوماتلر گه کوره، راکتهلردن بیری مأرب مرکزیده عسکرلرنینگ ایرتهلبکی صف تارتیش پیتیده باریب توشگن و اونینگ نتیجهسیده کمیده ۴۵ کیشی اولیب و یرهلنگن.
حوثیلر، میلادی ۲۰۲۲-ییل آتش کیسیننی بوزیب ایران بیلن امریکا و اسرائیل اورتهسیدهگی اوروش گه کیردی. حوثیلر سعودی عربستان گه قرشی دینگیز محاصرهسینی اعلان قیلیشگه قوشیمچه، یمننینگ ۱۰ ییللیک اوروشلریده ینگی جبههنی آچگن.
صنعا و شمالی حدودلرنی باشقریب کیلهیاتگن حوثیلر و یمن رسمی دولتی اورتهسیدهگی ماجرا، میلادی ۲۰۲۲-ییلده بیرلشگن ملتلر تشکیلاتینینگ آتیش کیسینیدن سونگ بیر آز توختهگندی، بیراق منطقهدهگی سونگی اوزگریشلر بو ممملکتده اوروشنی النگهلنتیرگن.
