میدان وردک ولایتی کینگش اعضالریدن بیری نینگ ایتیشیچه، بوگون ایرته‌لب طالبان گروهی ۱۳ یولاوچی نی دایکندی دن کابل گه انتقال بیره‌دیگن فلانکوچ تیپلی بیر موتر نی، مذکور ولایت مرکزیده‌گی «نرخ» چک پاینت منطقه‌سیده راکتی هجوم آستیده آلگن.
اونگه کوره، بو هجوم نتیجه‌سیده بیر باله شامل ۵ یولاوچی هلاک و باشقه ۸ کیشی ایسه یره‌لنگن. قربانیلر آره‌سیده عیاللر و باله‌لرهم شامل دیر.
بیزلرنینگ فیسبوک صحیفه‌میزگه باش اورینگ!
شونینگدیک میدان وردک پولیس قومندانی محمد مصطفی مایار بو خبرنی تصدیق‌لب و طالبان گروهی نی حادثه مسئولی دیگن. اونینگ ایتیشیچه، طالبان جنگری‌لری بوگون ایرته‌لب میدان شهر مرکزی «چاربند» منطقه‌سیده یولاوچیلر مینیلگن فلانکوچ تیپلی بیر موتر نی راکت بیلن هجوم آستیده آلگن که نتیجه‌ده، بیر باله شامل ۵ یولاوچی هلاک و باشقه ۳ کیشی ایسه یره‌لنگن.
میدان وردک پولیس قومندانی نینگ کوپه‌یتیریشیچه، بو حادثه قربانی‌لری و یره‌دارلری نینگ جسدی حادثه محلیدن انتقال بیریلگن.
بیراق طالبان گروهی سوزلاوچیسی ذبیح‌الله مجاهد میدان وردک محلی مسئوللری نینگ ادعاسینی رد قیلیب ایتیشیچه، بو موتر دولتی کوچلر آرقه‌لی دهشکه بیلن هجوم آستیده آلینگن.
