غور یشاوچیلری، غور-کابل و غور-هرات قتناو یولی نینگ قربانی‌لرینی حق‌لریدن مدافعه قیلیش اوچون، بو قتناویول نی باغله‌گنلر.
غور ولایتی کینگش اعضالری و یشاوچی‌لریدن قطاری مذکور ولایت لعل‌وسرجنگل تومنیده مردمی بیر ییغین یولگه قوییش بیلن بیرینچی ده قرار آله‌دیگن بیر کینگش ایجاد قیلگنلر و کیین ایسه مذکور کینگش نینگ قراری اساسیده، ۷ هزاره یولاوچی اوققه توتیلگنی گه قرشی بو قتناویول نی باغله‌گنلر.
اولر ۴ ماده‌لیک بیر قطع‌نامه صادر قیلیش بیلن آگاه‌لنتیریش‌لریچه، بو قتناویول خوفسیزلیگی تأمین‌لنیب و اهالی ایسته‌کلریگه ایریشگونگه قدر، قتناویول نی کیلیب-کیتیش یوزیگه آچمه‌یدیلر.
بیزلرنینگ فیسبوک صحیفه‌میزگه هم باش اورینگ!
غور ولایتی کینگش اعضاسی عبدالحمید ناطقی نینگ ایتیشیچه، لعل‌وسرجنگل تومن اهالیسی و قوم بویوک‌لری دولت دن نظارتی گه بولگن قتناویوللرنینگ خوفسیزلیگی تأمین‌لنیشی نی سوره‌شدی، بیراق دولت بو ایسته‌ککه توجه قیلمه‌گنی باعث اولر غور-کابل و غور-هرات قتناویولی نی باغلش گه قرار آلیشگن.
- غور؛ طالبان گروهی کوپینچه ییر و میوه‌لی آغاچ‌نی اوتگه تارتگن
- جاغوری-غزنی قتناو یولیدن اوته‌دیگن ۱۰ یولاوچی اوغیرلنگن
- غور ده یول چیککه‌سیده جایلشتیریلگن ماین پارتله‌شی باعث ۵ تینچ‌اهالی جان بیرگن
- غور ده بیر عایله نینگ ۴۰ اعضاسی اعتراض بیلدیریشگن
جناب ناطقی نینگ ایتیشیچه، مذکور ولایت یشاوچیلری دولت دن قربانیلرگه عدالت تأمین ایتیلیشی گه علاوه، قتناویوللرنینگ خوفسیزلیگی تأمین‌لنیشی اوچون فیروزکوه شهری و لعل‌وسرجنگل تومن بویوک‌لری نینگ حضوری بیلن کتته بیر ییغین یولگه قوییشی کیره‌ک.
غور حاکمی عبدالظاهر، کابل-غور و غور-هرات قتناویول خوفسیزلیگی تأمین‌لنیشی توغریسیده‌گی لعل‌وسرجنگل تومن یشاوچیلری نینگ ایسته‌گی نی توغری دیب و بو قیینچیلیک حل ایتیلیشی اوستیگه اورغوله‌گن، بیراق قتناویول باغله‌نیشی نی ییچیم یول بیلمه‌یدی.
بیزلرنینگ توییترده هم تعقیب قیلینگ!
او مذکور ولایت یشاوچی‌لریدن، ایسته‌کلرینی محلی و امنیتی مسئوللر بیلن صحبت اوتکزیب و حل قیلیش‌لرینی سوره‌گن. غور حاکمی نینگ کوپه‌یتیریشیچه، مذکور قتناویول نینگ «تسرقی» و شینه کوتل منطقه‌سیده ایکی امنیتی پایگاه ایجاد ایتیلیشی گه قرار قیلینگن.
ایتیش کیره‌ک که بیر آی ایچیده غور-کابل و غور-هرات قتناویولیده هزاره یولاوچی‌لریدن ۷ ته‌سی اوققه توتیب اولدیریلگن، دولت بو حادثه‌لرگه طالبان نی مسئول بیله‌دی، بیراق طالبان بو حادثه‌لرگه قوللری بارلیگی نی رد قیلگن.
