تورخم بندری یولاوچیلر یوزی گه یاپیلدی

ننگرهار معلومات و مدنیت ریاستی نینگ اطلاعات آمری صدیق‌الله قریشی گه کوره، تورخم بندری پاکستان رسمی‌لری تامانیدن، یولاوچیلر یوزی گه یاپیلگن. اونینگ کوپه‌یتیریشیچه، اوشبو بندر بوگون (یک‌شنبه، ۵-حمل) توش‌دن آلدین ساعت ۹:۰۰ اطرافی‌ده یاپیلگن و پاکستان رسمی‌لری مذکور بندر نینگ یاپیش حقیده حاضرگچه هېچ نرسه دیمه‌گنلر.

مزارشریف_جده مستقیم پروازلری باشلندی

بلخ ولایتی مولانا جلال‌الدین محمد بلخی هوا قونالغه‌سیده مسئوللر نینگ ایتیشلریچه، اوشبو ولایت مرکزی مزارشریف شهریدن سعودی عربستان نینگ جده شهری گه مستقیم پروازلر، رسمی روشده باشلنگن.

تورخم بندری یولاوچیلر یوزی گه آچیلدی

ننگرهار معلومات و مدنیت ریاستی بیر بیانیه ترقه‌تیب ایتیشیچه، اوشبو بندر بوگون توش دن آلدین (پنج‌شنبه، ۴ حوت) ساعت ۹:۰۰ ده، افغانستان و پاکستان رسمی‌لری تامانیدن آچیلگن.

دایکندی_بامیان قتناو یولی قار و بوران باعث یاپیلدی

دایکندی عامه منفعت ریاست مسئوللری نینگ ایتیشلریچه، دایکندی_بامیان قتناو یولی کوچلی قار و بوران طفیلی ترافیک یوزی گه یاپیلگن. مذکور ریاست سرپرستی لعل‌محمد یوسفی نینگ سلام‌وطندار گه ایتیشیچه، دایکندی ولایتی میر امور تومنی و بامیان ولایتی ورس تومنی آره‌لیغیده «قوناق» کوتلی ده کوچلی قار یاغیشی و بوران باعث بوگون توش دن کیین (جمعه، ۱۴ دلو) ترافیک یوزی گه یاپیلگن. اوشبو کوتل دایکندی نی بامیان و کیین ایسه کابل گه باغله‌یدی.

غور یشاوچی‌لری ۷ یولاوچی اوققه توتیلگنی باعث غور-کابل قتناویولی نی باغله‌گن

غور یشاوچی‌لری، غور-کابل و غور-هرات قتناو یولی نینگ قربانی‌لرینی حق‌لریدن مدافعه قیلیش اوچون، بو قتناویول نی باغله‌گنلر. اولر ۴ ماده‌لیک بیر قطع‌نامه صادر قیلیش بیلن آگاه‌لنتیریش‌لریچه، بو قتناویول خوفسیزلیگی تأمین‌لنیب و اهالی ایسته‌کلریگه ایریشگونگه قدر، قتناویول نی کیلیب-کیتیش یوزیگه آچمه‌یدیلر.