منبعلرنینگ سلام‌وطندارگه ایتیش‌لریچه، طالبان اوتگن کوندن بویان هرات، قلعه‌نو، فیروزکوه، لشکرگاه و قندهار شهرلری نینگ نظارتگه آلگن.
دولتی رسمیلر بو شهرلرنینگ نظارتگه آلینگنی توغریسیده حاضرگچه هیچ بیر نرسه دیمه‌گن. منبعلرگه کوره، مذکور شهرلردن کوپینچه‌سی آتیشمه یوزبیرمسدن طالبان نظارتی گه اوتگن یا هم بو گروه گه تاپشیریلگن.
عین حالده، طالبان نینگ ایتیشیچه، ۱۵- اسد بویان مملکت ۱۵ شهری طالبان قولیگه سقوط قیلگن.
بیزلرنینگ فیسبوک صحیفه‌میزگه باش اورینگ!
بوندن آلدین جنوب غرب ده زرنج و لشکرگاه، غرب ده هرات، فراه، قلعه‌نو و فیروزکوه، جنوب ده قندهار، جنوب شرق ده غزنی، شمال شرق ده فیض‌آباد، تالقان، قندوز و پلخمری و مملکت شمال حوزه‌سیده ایبک، سرپل و شبرغان طالبان نظارتی گه اوتگن شهرلر دیر.
هرات، قندهار و لشکرگاه شهرلری افغانستان نینگ اوچ اونملی و استراتیژیک شهرلری دیر. هرات ایران و ترکمنستان بیل و قندهار و لشکرگاه نینگ پاکستان بیلن قوشمه چیگره‌سی بار. طالبان بوندن آلدین هرات ده اسلام‌قلعه و تورغندی بندرلری و قندهار ده ایسه اسپین‌بولدک بندری نی نظارت گه آلگن ایدی.
