هرات محلی منبع‌لری نینگ ایتیشیچه، اوشبو ولایت نینگ پشتون زرغون تومنیده طالبان نظارتیده بولگن ۹ حربی قماقخانه‌دن قاچیش‌گه موفق بولگن.
کیم‌لیگی سیر قالیش‌نی ایسته‌گن بیر منبع نینگ سلام‌وطندارگه ایتیشیچه، مذکور حربی کوچلر نیچه پیت آلدین طالبان قولیگه اسیر بولگن ایکن‌لر، بیراق اوتگن “جمعه” کونی اوشبو گروه نظارتیدن قاچیش‌گه موفق بولگن‌لر.
منبع، بوتوغریده کوپراق معلومات بیرمه‌گن.
عین‌حالده، هرات ولایتی نینگ پشتون زرغون تومنیده‌گی بیرقطار منبع‌لرنینگ ایتیش‌لریچه، پشتون زرغون تومنی نینگ نیچه قشلاغیده طالبان گروهی نینگ قماقخانه‌سی بار.
منبع‌لرنینگ ایتیش‌لریچه، پشتون زرغون تومنی نینگ مرکزی و نیچه قشلاغی دولت نظارتیده دیر و باشقه کوپ قطار منطقه‌لر ایسه طالبان کنترلی‌گه قرار تاپگن.
طالبان گروهی حاضرگه‌قدر بوتوغریده فکر بیلدیرمه‌گن.
پشتون زرغون، هرات ولایتی نینگ ناتینچ تومن‌لریدن بیری دیر. طالبان گروهی اوشبو تومن نینگ کوپ قطار منطقه‌لریده فعالیت قیلیب و گاه‌گاهی امنیتی کوچلر اوستیگه هجوم قیله‌دی.
