بوگون (شنبه، 20- جدی) برشنا شرکتی بیر اعلامیه آرقهلی، اوزبیکستان اولکهسی صادر قیلگن برقینی 300 میگاوات دن 150 میگاوات گه آزهیتیرگن. اوزبیکستان اولکهسی نینگ برق تولید قیلوچی بیش دستگاهسیده تخنیکی قیینچیلیک اورتهگه چیققنی باعث، صادر بوله دیگن برق میقداری آزهیگن.
جمهور رئیس محمد اشرف غنی، سی ان ان تلویزیونی بیلن مصاحبه اوتکزیب ایتیشیچه، میلادی 2015 ییلدن بیری افغانستان ده 40 مینگدن آرتیق حربی و تینچاهالی اوز جانی نی قولدن بیرگن.
سرپل پولیس قومندانلیگی سوزلاوچیسی نور آغا فیضی نینگ سلاموطندارگه ایتیشیچه، طالبان جنگریلری اوتکن کیچه ساعت 8 ده محلی اردو بیر عضوی نینگ مسکونی اوی اوستیگه هجوم قیلیب اونینگ لیلی ناملی 36 یاشر تورموش اورتاغی(خاتینی) نی بالهلری نینگ حضوریده اوققه توتیب اولدیرگن.
بوگون “شنبه” ساغلیقنی سقلش وزیرلیگی نینگ بیر گزارش آرقهلی ایتیشیچه، اوتگن بیر کیچه و کندوز ده کرونا ویروسیگه شبههلی ۱ مینگ و 300 کیشیدن آلینگن نمونهلر سیناودن اوتکزیلگن و بو جملهدن 84 تهسی نینگ نتیجهسی ایجابی تانیلگن.
دایکندی ولایتی کینگش عضوی غیرتعلی جواهری نینگ سلاموطندارگه ایتیشیچه، اوشبو ولایت بوییچه ملی خوفسیزلیک ریاستی ایشلاوچیلری پولیس بیر افسرینی امنیتی کوچلر قورال و اوقلرینی طالبان گروهیگه ساتهدیگن چاغده، قولگه آلینگن.
کیملیگی سیر قالیشنی ایستهگن بیر منبع نینگ سلاموطندارگه ایتیشیچه، مذکور حربی کوچلر نیچه پیت آلدین طالبان قولیگه اسیر بولگن ایکنلر، بیراق اوتگن “جمعه” کونی اوشبو گروه نظارتیدن قاچیشگه موفق بولگنلر.
درقد تومنیدن کیملیگی سیرقالیشنی ایستهگن بیر منبع نینگ سلاموطندارگه ایتیشیچه، طالبان جنگریلری اوتگن کیچه اوشبو تومن نینگ مرکزیده ملی اردو بیر پوستهسی اوستیگه هجوم قیلگن و نتیجهده ملی اردو کوچلری نینگ تولی قومندانی شامل 5 حربی هلاک و باشقه 6 حربی یرهلنگن.
بوگون “شنبه” ایچکی یاشلر وزیرلیگی سوزلاوچیسی طارق آرین نینگ توییتر صیفحهسیده یازیشیچه، 3 کیشی یوسف رشید نینگ تروریگه عیبلنیب قولگه آلینگن. جناب آرین گه کوره، اوشبو قضیه جدی شکلده تیکشیریلهدی و قولگه آلینگن کیشیلر بو قضیهگه دخیل دیر.
