برشنا شرکتی بیر اعلامیه ترقهتیب ایتیشیچه، اوزبیکستان و تاجیکستان اولکهلری افغانستان گه صادر قیلگن برقی میقدارینی آزهیتیرگن.
بوگون (شنبه، 20- جدی) برشنا شرکتی بیر اعلامیه آرقهلی، اوزبیکستان اولکهسی صادر قیلگن برقینی 300 میگاوات دن 150 میگاوات گه آزهیتیرگن. اوزبیکستان اولکهسی نینگ برق تولید قیلوچی بیش دستگاهسیده تخنیکی قیینچیلیک اورتهگه چیققنی باعث، صادر بوله دیگن برق میقداری آزهیگن.
عینحالده برشنا شرکتی، تاجیکستان اولکهسیدن وارد بولهدیگن 90 میگاوات برق 60 میگاوات گه آزهیگن. برشنا شرکتی مسؤلی نینگ ایتیشیچه، حاضرده کابل شهری نینگ 65 میگاوات برقی وارد بولهدیگن برقدن و 105 میگاوات برقی ایسه ایچکی تولیدی برقدن تأمین ایتیلهدی.
برشنا شرکتی نینگ کوپهیتیریشیچه، صنعتی پارکلر برقی کیسیلگن و کابل و بامیان ولایتلریده برق پرچاوی بولگن.
برشنا شرکتی کابل یشاوچیلریدن، برق وضعیتی نورمال حالت گه کیلگنی گه قدر برقنی احتیاط بیلن مصرف قیلیشلرینی سورهگن. ایتیش لازم که کابل شهری نینگ حاضرده 700 میگاوات برققه احتیاجی بولگن.
ایتیش کیرهک که مملکتدهگی سو و قویاش منبعلری اولکه ده تخمینان 380 مینگ میگاوات برق تولید قیلیش کوچی گه ایگه بولگن.
لیکن افغانستان هر ییل 280 الی 300 میلیون دالرلیک برق قوشنی اولکهلردن ساتیب آلهدی.
