کابل یشاوچی‌لریدن بیرقطاری برق نینگ کیتیب – کیلیشیدن تنقید قیلیب ایتیش‌لریچه، حکومت خلق نینگ برقی‌نی تامین قیلیشده کوچ‌سیز دیر و برشنا شرکتی هم بو توغریده دقت قیلمه‌یدی.
کابل یشاوچی‌لریدن بیری امیر خالقی نینگ سلام‌وطندارگه ایتیشیچه، یشاوچی‌لرنینگ تنقیدلریگه دقت بولمه‌گنی سبب، تنقید قیلیشدن خسته بولگن.
باشکنت یشاوچی‌لریدن باشقه بیر احمد نینگ ایتیشیچه، ۲۴ ساعت جریانیده ۶ ساعت برق بار و برق نینگ یوق‌لیگی یشاوچی‌لرنی قیین‌چیلیکلر بیلن روپه‌ره قیلگن.
عین‌حالده، برشنا شرکتی سوزلاوچیسی وحیدالله توحیدی نینگ سلام‌وطندارگه ایتیشیچه، اوزبیکستانده بیر سب استیشنی بوزیلگنی سبب، کابل برق کم‌لیگی بیلن دوچ کیلگن.
جناب توحیدی نینگ ایتیشیچه، برشنا شرکتی نینگ ریجه‌سیگه کوره، کابلده حیات کیچیره‌دیگن عایله‌لر ده ۲۴ ساعت جریانیده ۱۵ ساعت برقی بولیشی ممکن، لیکن برق خصوصده کوپینچه قیین‌چیلیک بولگنی باعث، اوشبو رقم کمه‌یگن.
توحیدی نینگ کوپه‌یتیریشیچه، اوزبیکستانده‌گی سب استیشن نینگ قیین‌چیلیگی جاری هفته نینگ اداغیگچه حل بوله‌دی و کابل نینگ برقی عادی شکلده دوام قیله‌دی.
هر ییل قیش موسومی کیلیشی بیلن کابلده برق کم‌لیگی نینگ قیین‌چیلیگی آرته‌دی و کابل نینگ یشاوچی‌لری کوپینچه زمانی برق سیز کیچیره‌دیلر.
