کابل ده گوزل صناعتلر انستیتوتی آرقهلی ایکی کونلیک قول صناعتی و هنری اثرلر کورگزمهسی آچیلگن.
اوشبو کورگزمه تشکیلاتچیلریدن معراجالدین عطایی، بو کورگزمه اوتکزیلگنیدن مقصد اوقووچیلر و طلبهلرنینگ صناعتی امکانیتلرینی تانیشتیریش همده هنر رواجلنیشی عنوان قیلگن. اونینگ کوپهیتیریشیچه: «مونوگرافلر، صنفی لایحهلر، عملی ایشلر و یاغاچدن یسل صنعتلر شامل اوقووچیلر و طلبهلرنینگ اثرلری، نمایشگه قوییلگن. هر ییلی اوشبو کورگزمهلرنی اوتکزهمیز.»
صناعتی اثرلرینی نمایشگه قویگن اوقووچیلر و طلبهلردن قطارینینگ ایتیشلریچه، اثرلریدن کوپینچهسی بازار یوقلیگی سبب اورتهدن کیتگن.
گوزل صناعتلر انستیتوتی استادلریدن احمدشفیق برنایارنینگ ایتیشیچه: «بیزلرگه ساتیلیش غرفهسینی توزهتسینلر که گداملرده ذخیره بولیب قالگن اثرلریمیزنی ساته آلهیلیک.»
مذکور انستیتوت اوقووچیلریدن بیری یحیا غلامی، اسلام امیرلیگیدن صناعتچیلرنینگ قوللب-قوتلش امکانیتی یرهتیلیشینی سورهگن. «حکومتدن صناعتگه کوپراق اهمیت بیریلیشی و ملی سطحده کورگزمهلر اوتکزیلیشینی سورهیمیز که صناعتچیلر بیر ییرگه ییغیلسین و اهالی بیلیملری سطحینی کوپهیسین.»
باشقه بیرتاماندن، اسلام امیرلیگی تخنیکی و مسلکی تعلیملر ادارهسی مسئوللرینینگ ایتیشلریچه، صناعتچیلر اثرلری ساتیلیشی و بازار تاپیلیشی اوچون ینگی بیر مکانیزم ایشلب چیقیلیب و تصدیقلنگن. اوشبو اداره اوقووچیلر و طلبهلر ایشلری بوییچه باشلیغی رفیعالله حبیبینینگ ایتیشیچه: «باشوزیرلیک ریاستی آرقهلی تصدیقلنگن بیر مکانیزم آرقهلی، ایشلاوچیلر و طلبهلر قیلگنلری نقاشلیک یا-ده رساملیکلرنی بازارگه چیقریب و ساته آلهدیلر.»
گوزل صناعتلر انستیتوتیگه کوره، مذکور کورگزمهده ۸۴۰ ته صناعتی اثر جملهدن نقاشلیک، خطاطلیک، مینیاتورلیک و یاغاچدن یسل صناعتلر نمایشگه قوییلگن.
