کابل طالبان نظارتی گه اوتگنیدن کیین، مملکتده ایلچی‌خانه‌لرنینگ فعالیتی توخته‌لیشی تیزلندی و آمریکا و بریتانیا شامل کتته مملکتلر، ایشلاوچی‌لری نینگ چیقاریش و ایلچی‌خانه‌لری نینگ باغلش گه یوز کیلتیردی.
بیراق روسیه، چین، ایران و پاکستان کابل ده فعالیت‌لری نینگ دوام تاپیشی نی اعلام قیلگن مملکت‌لردن دیر و اولرنینگ ایتیش‌لریچه، ایلچی‌خانه‌لری نینگ باغلش اوچون هیچ قنده‌ی قرار آلمه‌گنلر.
خلق‌ارا ایش بیلرمان‌لرنینگ ایتیش‌لریچه، مملکتده ایلچی‌خانه‌لرنینگ باغلنگنی، مملکت سیاسی و اجتماعی وضعیتیده سلبی تأثیر قوییشی ممکن و دنیا بیلن دیپلوماتیک علاقه بولمه‌سی، افغانستان نینگ اوزاق‌لنیشی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
خلق ارا ایش بیلرمان سید باقر نینگ ایشانچی‌گه کوره، طالبان تامانیدن بیر تامانلمه حکومت تشکیل ایتیلیشی دنیا ده هیچ قنده‌ی بازتاب تاپمه‌یدی و بولرگه علاوه باغلنگن ایلچی‌خانه‌لرنینگ آچیلیشی اوچون هیچ قرار آلینمه‌گن، قالگن مملکتلرهم ایلچی‌خانه‌لری نینگ باغلش اوچون اقدام قیلیشی ممکن.
طالبان نینگ ایتیش‌لریچه، کابل ده حاضرگچه فعالیت قیلیب کیله‌دیگن ایلچی‌خانه‌لرنینگ امنیتی، خاص حربی قطعه‌لر تامانیدن تأمین‌لنگن.
طالبان سوزلاوچی‌لریدن بیری بلال کریمی نینگ تاکید قیلیشیچه، مملکت‌لرنینگ خواطرلری نی رفع قیلیش و ایلچی‌خانه‌لرنینگ فعالیتی قیته باشله‌نیشی اوچون سعی و حرکتلرنی دوامی بار.
«بیزلرنینگ دنیا جماعه‌چیلیگی و منطقه مملکت‌لری بیلن دایمی علاقه‌میز بار، یقیین کیله‌جکده اولرنینگ قیینچلیک‌لری و خواطرلری رفع قیلینیشی گه امیدوارمیز و ایلچی‌خانه‌لر فعالیت‌لریگه دوام بیریش‌لری کیره‌ک.»
مملکتده سونگی اوزگریش‌لیک‌لردن کیین، قطار مملکتلر یشاوچیلر و ایشلاوچی‌لری نینگ چیقاریش اوچون ایلچی‌خانه‌لرینی کابل قونلغه‌سیده انتقال بیردی. آمریکا و بریتانیا ایلچی‌خانه‌لری حربی‌لری نینگ افغانستان دن چیقارگندن کیین، باغلنگن سونگی ایلچی‌خانه‌لر دیر.
