بیرلشگن ملتلر تشکیلاتی نینگ باش‌کاتبی آنتونیو گوترش، بیر بیانیه ترقه‌تیش بیلن انسانی و اقتصادی فاجعه یمان‌لنیشی و شونینگدیک افغانستان ده اساسی خذمتلر بوتونلی سقوط قیلیشی توغریسیده خواطر بیلدیرگن.
آمریکالیک حربیلر بوتونلی افغانستان نی ترک قیلگنیدن بیر کون اوتگنیدن کیین، بیرلشگن ملتلر تشکیلاتی باش کاتبی نینگ بیانیه‌سیده کیلیشیچه، مملکتده انسانی فاجعه یول ده دیر؛ چونکه افغانستان جمعیتی دن کمیده یریمی (۱۸ میلیون کیشی) تیریک قالیش اوچون انسان‌دوستلیک یاردم‌لرگه محتاج دیر.
بیرلشگن ملتلر تشکیلاتی باش کاتبی نینگ اورغولشیچه، اهالی هر کون توارلر و اساسی خذمتلرگه قول تاپیش نی قول دن بیریشه‌دی و بیش دن قویی بولگن باله‌لرنینگ یریمی دن آرتیغی کیلگوسی ییل ده جدی توییت آوقت‌لنمه‌سلیک کسل‌لیککه چالینیشی ممکن. اونینگ ایتیشیچه، حاضر باشقه هر زمان گه نسبتن افغانستان باله‌لری، عیاللری و ایرکک‌لری دنیا جماعه‌چیلیگی نینگ حمایتی گه محتاج دیر.
جناب گوترش بیرلشگن ملتلر تشکیلاتی گه اعضا مملکتلرنینگ برچه‌سیدن، افغانستان اهالیسی اوچون حرکت قیلیب و بولرگه یاردم بیریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک بیرلشگن ملتلر تشکیلاتی باش کاتبی نینگ بیانیه‌سیده کیلیشیچه، افغانستان قالیب و انسان‌دوستلیک یاردم‌لر دوامی تاپیشی توغریسیده بیریلگن وعده‌لر سینمه‌یدی و بو تشکیلات کیله‌جک هفته‌ده کیلگوسی ۴ آی گچه انسان دوستلیک یاردم و مالی احتیاجات‌لرنی تفصیلاتی نی بیر ایسته‌ک آرقه‌لی نشر قیلیشی ممکن.
آنتونیو گوترش نینگ کوپه‌یتیریشیچه، جدی قوروقچیلیک و قیش نینگ یمان وضعیتی آره‌سیده افغانستان گه ییگولیک ماده، باش پناه و طبی ملزمه وارد ایتیلیشی کیره‌ک. او افغانستان ده برچه تامان‌لردن قوتقره‌دیگن منبعلرگه اهالی نینگ تینچ بیر شکلده قول تاپیش نی آسان‌لشتیریش‌لرینی سوره‌گن.
باشقه بیر تاماندن بیرلشگن ملتلر تشکیلاتی باش کاتبی نینگ ایتیشیچه، جاری ییل جریانیده ۸ میلیون کیشی گه یاردم بیرگنلر. اونگه کوره، یالغیز اوتگن ایکی هفته‌ده ۸۰ مینگ کیشی گه ییگولیک ماده و مینگ‌لرچه عایله گه یاردمی بسته تحویل بیرگنلر.
